Atvinnu- og ferðamálanefnd

Rætt um drög að fjárhagsáætlun atvinnumála fyrir árið 2012. Nefndin samþykkir að leggja til að framlög til málaflokka nefndarinnar verði kr. 35.016.000 á árinu 2012. Samþykkt að vísa áætluninni til byggðarráðs.

Nefndin samþykkir að leggja til að SSNV gangi til samninga við Markaðsskrifstofu ferðamála á Norðurlandi um að semja fyrir hönd sveitarfélaganna þ.m.t. Skagafjarðar um áframhaldandi samstarf. Samþykkt að vísa þessari tillögu til Byggðarráðs til umfjöllunar.

Lögð fram til kynningar ályktun frá Félagi ferðaþjónustunnar í Skagafirði þar sem félagið lýsir áhyggjum sínum varðandi uppsögn samnings við Markaðsskrifstofu ferðamála á Norðurlandi.

Lögð fram beiðni um styrk frá félaginu Landsbyggðin lifi. Nefndin samþykkir að styrkja félagið um kr. 50.000.

Lagt fram minnisblað frá starfsmönnum nefndarinnar þar sem lagt er til að nefndin skoði sérstaklega hvernig hægt sé að styðja við bakið á þeirri uppbyggingu á ferðaþjónustu tengdri fuglaskoðun sem nú er unnið að á vettvangi Félags ferðaþjónustunnar í Skagafirði. Nefndin lýsir áhuga á því að taka þátt í vinnu við verkefnið og samþykkir að óska eftir fundi með Félagi ferðaþjónustunnar og öðrum hlutaðeigandi um málið. Mikilvægt er að hafa gott samstarf við Skipulags- og byggingarnefnd og aðrar nefndir sveitarfélagsins sem málið varðar um þessi mál.

Lagt fram minnisblað frá starfsmönnum nefndarinnar þar sem lagt er til að nefndin, í samvinnu við hagsmunaaðila í ferðaþjónustu í héraðinu, beiti sér fyrir umræðu og stefnumótun í vetrarferðaþjónustu í Skagafirði. Samþykkt að standa fyrir opnum fundi um málefnið í janúar.