Atvinnu- og ferðamálanefnd
Atvinnu- og ferðamálanefnd Skagafjarðar
Fundur 62 – 26.09.2001
Miðvikudaginn 26. september árið 2001 kom atvinnu- og ferðamálanefnd saman til fundar á Skrifstofu Skagafjarðar.Fundur 62 – 26.09.2001
Mættir: Brynjar Pálsson, Einar Gíslason, Rósa M Vésteinsdóttir, Stefán Guðmundsson og Sveinn Árnason.
DAGSKRÁ:
1. Starfsemi Skógræktar ríkisins, Reykjarhóli.
2. Önnur mál
AFGREIÐSLUR:
1. Ákvörðun Landbúnaðarráðuneytisins, að starfsemi Skógræktar ríkisins varðandi sölu á skógarplöntum skuli hætt, var til umræðu á fundinum. Þessi ákvörðun er tekin vegna úrskurðar Samkeppnisráðs frá des. 1999. Það er ljóst að þessi ákvörðun mun hafa veruleg áhrif á starfsemi skógræktarstöðvarinnar í Varmahlíð. Formanni var falið að skoða málið nánar.
2. Sveinn Árnason vakti athygli á því að aðstaða til að taka á móti ferðamönnum í Varmahlíð á annatímum sé algjörlega óviðunandi. Aðstaða fyrir stóra bíla er einnig ekki boðleg. Stefán upplýsti að Vegagerðin er að skoða möguleika á hringtorgi og færslu á veginum í tengslum við skipulag.
3. Brynjar Pálsson ræddi um hækkun á flutnings- og þjónustugjöldum
Eimskipafélags Íslands á flutningum og hækkun á upp- og útskipunum vegna vöru
í for- og áframflutningi með strandferðarskipi Eimskips. Ákveðið að fá fulltrúa frá
stærstu út- og innflutningsaðilum á svæðinu til fundar við nefndina til að fara
yfir málið.
Fleira ekki gert og fundi slitið.
Einar Gíslason ritar