Atvinnu-, menningar- og kynningarnefnd Svf Skagafjarðar

Tekið fyrir bréf frá Sigurlaugu Vordísi Eysteinsdóttur og Sigfúsi Benediktsyni dagsett 27.09.21 þar sem þau segja sig frá samningaviðræðum um rekstur Menningarhússins Miðgarðs.
Atvinnu-, menningar- og kynningarnefnd felur starfsmönnum að ganga til samninga við Kristínu Höllu Bergsdóttur sem sóttist einnig eftir rekstri hússins.

Tekin fyrir gjaldskrá Listasafns Skagfirðinga fyrir 2022.
Atvinnu- menningar og kynningarnefnd samþykkir fyrirliggjandi gjaldskrá sem er óbreytt frá fyrra ári og vísar henni til byggðaráðs.

Tekin fyrir gjaldskrá Héraðsbókasafns Skagfirðinga fyrir 2022.
Atvinnu- menningar- og kynningarnefnd samþykkir fyrirliggjandi gjaldskrá þar sem dagsektir hækka úr 20 kr í 30 kr, millisafnalán úr 900 kr í 1.200 kr og ljósritun hækkar 10-30 kr eftir stærðum. Leiga á DVD mynddiskum verður gjaldfrjáls en var 350 kr. Aðrir liðir haldast óbreyttir og vísar nefndin henni til byggðaráðs.

Tekin fyrir gjaldskrá Héraðsskjalasafns Skagfirðinga fyrir 2022.
Atvinnu- menningar og kynningarnefnd samþykkir fyrirliggjandi gjaldskrá sem er óbreytt milli ára og vísar henni til byggðaráðs.

Farið yfir ramma fjárhagsáætlunar fyrir málaflokk 05 - Menningarmál og starfsmönnum falið að vinna áætlunina áfram.

Farið yfir ramma fjárhagsáætlunar fyrir málaflokk 13 - Atvinnu- og kynningarmál og starfsmönnum falið að vinna áætlunina áfram.

Lagt fram til kynningar drög að myndlistarstefnu.