Fara í efni

Gatnamót við Langhús-Sólgarða - umferðaröryggi - fyrirspurn

Málsnúmer 2301224

Vakta málsnúmer

Umhverfis- og samgöngunefnd - 10. fundur - 09.02.2023

Á fundi Ungmennaráðs Skagafjarðar þann 15. desember s.l. kom fram fyrirspurn frá einum fulltrúa ráðsins, þar sem hann veltir fyrir sér hvort eitthvað standi til að bæta aðstöðu fyrir þau börn sem skipta þurfa um skólabíl á gatnamótum í Skagafirði. Akstur skólabíla fer í útboð á vormánuðum og því spurning um hvaða forsendur muni verða settar inn í útboðsgögnin.

Nefndin þakkar ungmennaráði fyrir góðar ábendingar. Skólaakstur í dreifbýli í Skagafirði verður boðinn út á vormánuðum en of snemmt er að segja til um forsendur útboðsins. Umhverfis- og samgöngunefnd beinir því til fræðslunefndar að hafa fyrrnefndar ábendingar í huga við gerð útboðsins. Enda skal öryggi skólabarna ávallt haft að leiðarljósi. Sviðsstjóra er falið að eiga samtal við Vegagerðina um aðgerðir sem stuðla enn frekar að öryggi í tengslum við skólaakstur.