Fræðslunefnd - 135
Málsnúmer 1809018F
Vakta málsnúmerSveitarstjórn Sveitarfélagins Skagafjarðar - 374. fundur - 18.10.2018
Fundargerð 135. fundar fræðslunefndar lögð fram til afgreiðslu á 374. fundi sveitarstjórnar eins og einstök erindi bera með sér. Laufey Kristín Skúladóttir kynnti fundargerð. Enginn kvaddi sér hljóðs.
-
Fræðslunefnd - 135 Lagt fram erindi til kynningar frá Persónuvernd um notkun samfélagsmiðla. Persónuvernd beinir þeim tilmælum til leikskóla, grunnskóla, frístundaheimila, íþróttafélaga og allra annarra opinberra aðila og einkaaðila, sem koma að starfi með börnum, að þeir noti ekki Facebook, eða sambærilega miðla, sem samskiptamiðla fyrir miðlun persónuupplýsinga um ólögráða börn, hvort heldur sem um almennar eða viðkvæmar persónuupplýsingar þeirra er að ræða. Sveitarfélagið Skagafjörður vinnur nú að innleiðingu nýrra laga nr. 90/2018 um persónuvernd og vinnslu persónuupplýsinga sem m.a. tekur til notkunar samfélagsmiðla. Erindinu vísað til starfshóps sveitarfélagsins um innleiðingu laganna. Bókun fundar Afgreiðsla 135. fundar fræðslunefndar staðfest á 374. fundi sveitarstjórnar 18. október 2018 með níu atkvæðum.
-
Fræðslunefnd - 135 Lagður fram fjárhagsrammi fyrir fjárhagsáætlun ársins 2019. Erindinu vísað frá byggðarráði til umfjöllunar í nefndum.Fræðslunefnd felur sviðsstjóra að vinna að áætlun fyrir stofnanir og málaflokka 04 og leggja aftur fyrir nefndina. Bókun fundar Afgreiðsla 135. fundar fræðslunefndar staðfest á 374. fundi sveitarstjórnar 18. október 2018 með níu atkvæðum.
-
Fræðslunefnd - 135 Lögð fram drög að reglum Sveitarfélagsins Skagafjarðar vegna styrkja til náms í leikskólafræðum. Nefndin samþykkir reglurnar fyrir sitt leyti með þeim athugasemdum sem fram komu á fundinum og felur sviðsstjóra að leggja lokahönd á þær. Bókun fundar Forseti gerir tillögu um að vísa afgreiðslu málsins til liðar nr. 17 Reglur vegna styrkja til náms leikskólar. Samþykkt samhljóða.
-
Fræðslunefnd - 135 Lagðar voru fram sjálfsmatsskýrslur grunnakólanna fyrir skólaárið 2017-2018. Sjálfsmat er unnið og kynnt í samræmi við ákvæði 36. greinar grunnskólalaga nr. 91/2008. Bókun fundar Afgreiðsla 135. fundar fræðslunefndar staðfest á 374. fundi sveitarstjórnar 18. október 2018 með níu atkvæðum.