Byggðarráð Skagafjarðar - 816
Málsnúmer 1802014F
Vakta málsnúmerSveitarstjórn Sveitarfélagins Skagafjarðar - 365. fundur - 21.03.2018
Fundargerð 816. fundar byggðarráðs lögð fram til afgreiðslu á 365. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Sigurjón Þórðarson og Bjarni Jónsson kvöddu sér hljóðs.
-
Byggðarráð Skagafjarðar - 816 Lögð fram drög að samningi um samstarf um auknar eldvarnir og innleiðingu eigin eldvarnaeftirlits milli Eldvarnabandalagsins og Sveitarfélagsins Skagafjarðar. Sameiginlegt markmið aðila er að efla eldvarnir í stofnunum Sveitarfélagsins Skagafjarðar og á heimilum starfsfólks. Svavar Atli Birgisson slökkviliðsstjóri sat fundinn undir þessum dagskrárlið.
Byggðarráð samþykkir framlagðan samning. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum. -
Byggðarráð Skagafjarðar - 816 Indriði Þór Einarsson, sviðsstjóri veitu- og framkvæmdasviðs sat fundinn undir þessum dagskrárlið. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum.
-
Byggðarráð Skagafjarðar - 816 Sjá trúnaðarbók. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum.
-
Byggðarráð Skagafjarðar - 816 Lagt fram bréf dagsett 16. febrúar 2018 frá Lánasjóði sveitarfélaga, varðandi auglýsingu eftir framboðum í stjórn Lánasjóðs sveitarfélaga. Kjörnefnd óskar eftir að sveitarstjórnarmönnum sé kynnt innihald bréfs þessa eins fljótt og unnt er til að áhugasömum gefist tími til að skila inn tilnefningum og/eða framboðum. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum.
-
Byggðarráð Skagafjarðar - 816 Lagt fram bréf dagsett 25. janúar 2018 frá samgöngu- og sveitarstjórnarráðuneytinu varðandi öflun heildstæðra upplýsinga frá sveitarfélögunum í landinu um samstarfssamninga sem starfað er eftir í samstarfi sveitarfélaga og jafnframt leggja mat á hversu vel þeir samræmast kröfum sem gerðar eru til slíkra samninga í lögum. Óskar ráðuneytið eftir upplýsingum um alla núgildandi samstarfssamninga sem Sveitarfélagið Skagafjörður á aðild að og afritum af þeim. Þá er óskað eftir áliti sveitarstjórnar á því hvort endurskoða þurfi ákvæði sveitarstjórnarlaga um samstarf sveitarfélaga og þá að hvaða leyti. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum.
-
Byggðarráð Skagafjarðar - 816 Lagt fram bréf dagsett 15. febrúar 2018 frá vinabæ sveitarfélagsins í Finnlandi, Espoo (Esbo). Þar býður Espoo til vinabæjamóts dagana 29. maí - 1. júní 2018.
Byggðarráð samþykkir að taka þátt í mótinu og senda fulltrúa. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum. -
Byggðarráð Skagafjarðar - 816 Lögð fram svohljoðandi tillaga frá fulltrúum V-lista og K-lista:
Byggðaráð samþykkir að hleypa af stað atvinnuþróunarátaki á Hofsósi til að fjölga þar atvinnutækifærum og efla byggð. Jafnframt mun sveitarfélagið beita sér fyrir því að úthlutað verði sérstökum byggðakvóta til Hofsóss til að tryggja framtíð smábátaútgerðar á staðnum sem nú stendur höllum fæti og frekara svigrúm verði veitt til sjóstangveiði á Skagafirði. Ennfremur óskar sveitarfélagið eftir samvinnu við Byggðastofnun og ráðuneyti byggðamála um tafarlausar aðgerðir til að sporna við byggðaröskun og fólksfækkun á Hofsósi.
Greinargerð:
Síðustu ár hafa verið erfið fyrir byggð á Hofsósi. Þjónusta hefur dregist saman og atvinnutækifærum fækkað. Sjávarútvegur var lengi undirstöðuatvinnuvegur og hefur að nokkru haldið velli til skamms tíma. Nú eru hinsvegar blikur á lofti um að sjósókn og þjónusta við báta sem leggja upp á Hofsósi geti að mestu lagst af að óbreyttu. Skortur á aflaheimildum, skerðingar á byggðakvóta og nýleg einhliða aflétting sjávarútvegsráðuneytis á friðun á innanverðum Skagafirði fyrir dragnótarveiði, hafa skapað mjög alvarlega stöðu fyrir byggðina.
Skjótvirkasta leiðin til úrbóta er að auka strax við byggðakvóta en hann hefur dregist mjög saman þrátt fyrir almennar aukningar á veiðiheimildum. Jafnframt þarf að tryggja að forsendur verði fyrir því að þjónusta báta sem vilja landa á Hofsósi, líkt og verið hefur. Samhliða þarf að vinna að því að fjölga atvinnutækifærum á fleiri sviðum á Hofsósi og kynna og skapa skilyrði fyrir fyrirtæki að byggja þar upp starfsemi sína.
Bjarni Jónsson, VG og óháðum
Sigurjón Þórðarson K lista
Byggðarráð samþykkir tillöguna. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum. -
Byggðarráð Skagafjarðar - 816 Að ósk Bjarna Jónssonar V-lista, var þessi dagskrárliður settur á dagskrá fundarins til að ræða stöðu leikskólamála á Hofsósi. Indriði Þór Einarsson sviðsstjóri veitu- og framkvæmdasviðs sat fundinn undir þessum dagskrárlið og sagði frá að búið væri að vinna frumdrög að innanhússbreytingum í grunnskólahúsnæðinu ásamt viðbyggingu fyrir leikskóla. Einnig hafa verið gerð hönnunardrög að lóð fyrir leik- og grunnskóla. Í fjárhagsáætlun ársins 2018 er gert ráð fyrir fullnaðarhönnun á leikskólanum. Byggðarráð er sammála um mikilvægi þess að hraða þessu verki. Bókun fundar Afgreiðsla 816. fundar byggðarráðs staðfest á 365. fundi sveitarstjórnar 21. mars 2018 með níu atkvæðum.