Safnahús - lyfta

Indriði Þór Einarsson sviðsstjóri veitu- og framkvæmdasviðs og Jón Örn Berndsen skipulags- og byggingarfulltrúi sátu fundinn undir þessum dagskrárlið og kynntu útfærslu á viðbyggingu við Safnahúsið, Faxatorgi, vegna byggingar lyftuhúss.

Afgreiðsla 652. fundar byggðaráðs staðfest á 312. fundi sveitarstjórnar 20. mars 2014 með níu atkvæðum.

Indriði Þór Einarsson sviðsstjóri veitu- og framkvæmdasviðs og Ingvar Páll Ingvarsson komu á fund ráðsins og kynntu væntanlegar breytingar á Safnahúsinu vegna byggingar lyftuhúss og endurbóta innanhúss.
Byggðarráð samþykkir að heimila að heildarverkið verði boðið út samkvæmt fyrirliggjandi útboðsgögnum. Ekki er gert ráð fyrir allri framkvæmdinni á fjárhagsáætlun 2014, en það sem út af stendur verður sett á framkvæmdaáætlun ársins 2015. Ekki er þörf á að breyta þriggja ára áætlun 2015-2017 vegna þessa.

Afgreiðsla 665. fundar byggðarráðs staðfest á 318. fundi sveitarstjórnar með níu atkvæðum.

Þann 19. september 2014 voru opnuð tilboð í verkið "Safnahús - Lyftuhús og endurbætur 2014". Kostnaðaráætlun var upp á 76.845.855 kr. (100,0%). Tilboð bárust frá K-Tak ehf. að upphæð 78.874.901 kr. (102,6%) og Trésmiðjunni Ýr ehf. að upphæð 79.661.043 kr. (103,7%). Veitu- og framkvæmdasvið leggur til að gengið verði til samninga við K-Tak ehf. ásamt því að panta lyftu í húsið.
Byggðarráð samþykkir að fela sviðsstjóra veitu- og framkvæmdasviðs að ganga til samninga við K-Tak ehf. á grundvelli tilboðs fyrirtækisins og einnig að panta lyftu í Safnahúsið í samræmi við fyrirliggjandi tilboð söluaðila.
Ekki er gert ráð fyrir allri framkvæmdinni á fjárhagsáætlun 2014, en það sem út af stendur verður sett á framkvæmdaáætlun ársins 2015. Ekki er þörf á að breyta þriggja ára áætlun 2015-2017 vegna þessa.

Afgreiðsla 673. fundar byggðaráðs staðfest á 320. fundi sveitarstjórnar 29. október 2014 með átta atkvæðum. Þórdís Friðbjörnsdóttir óskar bókað að hún taki ekki þátt í afgreiðslu málsins.