Byggðarráð Svf. Skagafjarðar

Erindið áður á dagskrá 583. fundar byggðarráðs og þá bókað:

"Lagt fram boðsbréf frá vinabæ sveitarfélagsins, Køge Kommune í Danmörku. Boðað er til stórs vinabæjamóts í Køge þann 29. maí - 1. júní 2012. Dagskrá mótsins verður annars vegar sniðin að málefnum eldri borgara og hins vegar menningu og listum. Byggðarráð þiggur boðið og nánari útfærsla bíður næsta fundar."

Byggðarráð samþykkir að þátttakendur sveitarfélagsins í vinabæjamótinu verði sveitarstjórnarfulltrúar, sveitarstjóri, félagsmálastjóri og sviðsstjóri markaðs- og þróunarsviðs.

Lagt fram bréf frá Sambandi íslenskra sveitarfélaga varðandi XXVI. landsþing sambandsins, sem haldið verður í Reykjavík föstudaginn 23. mars 2012. Dagskráin kynnt og ákveðið að gera engar breytingar á kjörnum fulltrúum sveitarfélagsins.

Lögð fram til síðari umræðu, drög að þriggja ára áætlun 2013-2015 fyrir sveitarfélagið og stofnanir þess.

Sigurjón Þórðarson sveitarstjórnarfulltrúi Frjálslyndra og óháðra leggur fram svohljóðandi bókun:

Þriggja ára áætlunin felur í sér byggingaframkvæmdir við Árskóla, skuldaaukningu og niðurskurð á þjónustu sveitarfélagsins strax á þessu ári. Eðlilegt væri að hafa eitthvað samráð og kynningu á málum fyrir íbúa. Algjört lágmark er að kynna fyrir íbúum teikningar af fyrirhuguðum framkvæmdum þó að það væri ekki gert með öðrum hætti en með því að setja teikningar af viðbyggingu á heimasíðu sveitarfélagsins.

Byggðarráð samþykkir að vísa áætluninni til síðari umræðu í sveitarstjórn.

Lögð fram til kynningar skýrsla frá Centra Fyrirtækjaráðgjöf varðandi mat á áhrifum viðbyggingar við Árskóla á fjárhag Sveitarfélagsins Skagafjarðar.

Sigurjón Þórðarson sveitarstjórnarfulltrúi Frjálslyndra og óháðra óskar bókað:

Skýrsla Centra um fjárhagsleg áhrif viðbyggingar við Árskóla á fjárhag sveitarfélagsins, byggir fyrst og fremst á óraunhæfum áætlunum og framreiknuðum hagræðingaraðgerðum í rekstri Sveitarfélagsins Skagafjarðar sem ekki bólar enn á og algerlega er horft fram hjá köldum staðreyndum úr bókhaldi sveitarfélagsins.

Byggðarráð leggur fram eftirfarandi bókun vegna útkominnar skýrslu um fjárhagsleg áhrif nýbyggingar við Árskóla:

Ljóst er út frá þeim gögnum sem fyrir liggja að sveitarfélagið ræður vel við framkvæmdina. Með henni fer sveitarfélagið ekki upp fyrir það skuldaþak sem sett hefur verið og munar nokkru þar um. Niðurstöður skýrslunnar eru eftirfarandi og tala þær sínu máli: "Ástand núverandi skólahúsnæðis að Freyjugötu veldur því að nauðsynlegt er að verja verulegum fjármunum til viðhalds eða byggja viðbyggingu við Árskóla. Miðað við þær forsendur um kostnað og fjármögnun sem framkvæmdin byggir á, auk þess rekstrarhagræðis sem af henni hlýst, er viðbygging við Árskóla mun hagfelldari fyrir sveitarfélagið og mun hafa jákvæð áhrif á fjárhag sveitarfélagsins."

Stefán Vagn Stefánsson, Bjarni Jónsson, Jón Magnússon.

Lagt fram til kynningar bréf frá sýslumanninum á Sauðárkróki um um aðilaskipti að landi, Tunguhlíð 146244. Seljendur: Valgarð Guðmundsson og Rut Valdimarsdóttir. Kaupandi er Gunnar Valgarðsson.

Lagt fram til kynningar bréf frá sýslumanninum á Sauðárkróki um um aðilaskipti að landi, Brautartungu landi A 220726. Seljendur: Valgarð Guðmundsson og Rut Valdimarsdóttir. Kaupandi er Gunnar Valgarðsson.

Málið áður á dagskrá 583. fundar bygðarráðs. Lagt fram til kynningar bréf frá þingmönnum Hreyfingarinnar varðandi frumvarp til laga um breytingu á lögum nr. 116/2006, um stjórn fiskveiða, með síðari breytingum, 202. mál.