Byggðarráð Svf. Skagafjarðar

Málinu vísað frá 167. fundi landbúnaðarnefndar. Málið varðar flutning á vegslóða og ræsisgerð í landi Vindheima vegna aðgengi að Borgarey. Landbúnaðarnefnd mælir með því að farið verði í þessa framkvæmd nú í haust.
Byggðarráð samþykkir framkvæmdina og felur veitu- og framkvæmdasviði útfærslu verkefnisins.

Lagt fram erindi frá Ingu Katrínu D. Magnúsdóttur þar sem hún lýsir áhuga á að kaupa fasteignina Árbakka, Suðurgötu 5 á Sauðárkróki (213-2263).
Byggðarráð samþykkir að fresta afgreiðslu málsins og felur sveitarstjóra að óska eftir að Sigríður Sigurðardóttir safnstjóri komi á fund byggðarráðs til viðræðu um erindið.

Lagt fram kauptilboð í kennslustofu við Freyjugötu (223-3897), syðra húsið, frá Skotfélaginu Ósmann.
Byggðarráð samþykkir að ganga að kauptilboði Skotfélagsins Ósmanns.

Lögð fram styrkbeiðni að upphæð 105.000 kr. vegna umferðarfræðslu fyrir yngsta stig grunnskóla.
Byggðarráð vísar erindinu til fræðslunefndar til að meta þörfina á þessari fræðslu í grunnskólum sveitarfélagsins.

Lögð fram tillaga að viðauka við fjárhagsáætlun 2013 vegna fjárfestingar í hlutafé í Mótun ehf. að upphæð 4.900.000 kr.
Byggðarráð samþykkir viðauka við fjárhagsáætlun 2013 vegna hlutafjárkaupa í Mótun ehf. að upphæð 4.900.000 kr. Fjármögnuninni verði mætt með lækkun á handbæru fé.

Afgreiðslu erindisins frestað til næsta fundar byggðarráðs.

Málefni áætlunarflugs til Sauðárkróks rædd. Áætlunarflug til og frá Alexandersflugvelli er Skagafirði mikilvægt. Byggðarráð leggur á það þunga áherslu að Skagafjörður verði hafður með í næsta útboði ríkisins á innanlandsflugi. Ef innanlandsflugs nýtur ekki við, skerðir það samkeppnishæfni Skagafjarðar sem og Norðurlands vestra, en sá landshluti verður þá eini landshlutin utan áhrifasvæðis höfuðborgarinnar sem ekki nýtur áætlunarflugs. Byggðarráð samþykkir að gera samning til áramóta við Eyjaflug um áætlunarflug milli Reykavíkur og Sauðárkróks og skorar jafnframt á stjórnvöld að auka fjárframlög til innanlandsflugsins í komandi fjárlögum í anda þeirrar byggðarstefnu sem boðuð hefur verið.

Stefán Vagn Stefánsson kynnti stöðu mála varðandi starfsemi Gagnaveitu Skagafjarðar ehf.

Lögð fram tillaga um dagsetningamörk vegna fjárhagsáætlunar 2014 og þriggja næstu ára.
Byggðarráð afgreiðir fjárhagsáætlanirnar á fundi 24. október n.k. og vísar til afgreiðslu sveitarstjórnar við fyrri umræðu 30. október n.k. Síðari umræða fer svo fram á sveitarstjórnarfundi 11. desember 2013.

Erindið áður á dagskrá 638. fundar byggðarráðs. Sveitarstjóri upplýsti að fulltrúar sveitarfélagsins fengju fund með fjárlaganefnd Alþingis þriðjudaginn 29. október 2013.

Lagður fram til kynningar tölvupóstur frá SSNV þar sem fulltrúar sveitarfélaga á Norðurlandi vestra eru boðaðir til fundar með þingmönnum Norðvesturkjördæmis mánudaginn 21. október 2013.