Sveitarstjórn Sveitarfélagins Skagafjarðar

Fram kom tillaga um að ýtreka bókanir byggðaráðs varðandi lokun útibús Nýja Kaupþings, nú Arion banka á Hofsósi.

"Sveitarstjórn Skagafjarðar mótmælir áformum um lokun afgreiðslu bankans á Hofsósi, ekki síst í ljósi þess að engin önnur bankaafgreiðsla er á staðnum. Lýsir sveitarstjórn undrun á að gripið sé til þessara aðgerða hjá ríkisbanka stuttu áður en nýir eigendur taki við rekstri hans. Þjónusta bankans hefur haft mikla þýðingu fyrir íbúa svæðisins og bent er á að langt er í næstubankastofnanir. Sveitarstjórn skorar á stjórn bankans að endurskoða þessi áform þar sem þau munu án efa leiða til fækkunar viðskiptavina og ólíklegt að þau skili bankanum þeim fjárhagslega ávinningi sem stefnt er að. Verði lokun afgreiðslu Nýja Kaupþings banka að veruleika skorar sveitarstjórn á aðrar bankastofnanir að opna afgreiðslu á staðnum og stuðla þannig að góðri þjónustu við íbúa þessa víðfeðma svæðis."

Tillagan var samþykkt samhljóða.

Afgreiðsla 498. fundar byggðaráðs staðfest á 255. fundi sveitarstjórnar með níu atkvæðum.

Fram kom tillaga um að ýtreka bókanir byggðaráðs varðandi uppgjör refaveiða.

"Sveitarstjórn Sveitarfélagsins Skagafjarðar mótmælir þessari einhliða ákvörðun á lækkun framlaga til refaveiða og krefst þess að ríkið endurgreiði að lágmarki útlagðan virðisaukaskatt vegna veiðanna."

Tillagan var samþykkt samhljóða.

Afgreiðsla 498. fundar byggðaráðs staðfest á 255. fundi sveitarstjórnar með níu atkvæðum.

Afgreiðsla 499. fundar byggðaráðs staðfest á 255. fundi sveitarstjórnar með níu atkvæðum.

Fulltrúar sjálfstæðisflokks óska bókað:

"Við fulltrúar sjálfstæðiflokks viljum taka undir og árétta bókun fulltrúa flokksins frá byggðaráðsfundi 26.11. sl.svohljóðandi: Miðað við þær umræður sem fram hafa farið milli byggðaráðs og fulltrúa Hofsbótar ses fyrr á þessu ári um byggingu íþróttahúss á Hofsósi er eðlilegt að sveitarfélagið leggi fram fé á árinu 2010 til frekari undirbúnings framkvæmdarinnar og er beiðni Hofsbótar mjög í hóf stillt."

Fulltrúar framsóknarflokks og samfylkingar árétta bókun frá byggðarráði 26.nóv sl.

"Ítrekum mikilvægi þess að ákvörðun um byggingu íþróttahúss á Hofsósi tengist vinnu sveitarfélagins að þarfagreiningu og stefnumörkun sveitarstjórnar í uppbyggingu íþróttamannvirkja og forgangsröðun fjárfestingaverkefna til framtíðar litið. Því er eðlilegt að erindinu sé vísað til félags- og tómstundanefndar á þessu stigi málsins."

Gísli Árnason leggur fram eftirfarandi tillögu."Sveitarstjórn Sveitarfélagins Skagafjarðar samþykkir að í fjárhagsáætlun ársins 2010 sé gert ráð fyrir kr. 2.000.000 til undirbúnings byggingu íþróttahúss á Hofsósi, í samvinnu við Hofsbót ses."

Fram kom tillaga frá Sigurði Árnasyni um að tillögu Gísla Árnasonar verði vísað til seinni umræðu fjárhagsáætlunar 2010 Samþykkt með fimm atkvæðum en fjórir sitja hjá.

Afgreiðsla 499. fundar byggðaráðs staðfest á 255. fundi sveitarstjórnar með níu atkvæðum.

Afgreiðsla 499. fundar byggðaráðs staðfest á 255. fundi sveitarstjórnar með níu atkvæðum.

Fulltrúar sjálfstæðisflokks óska bókað " Við fulltrúar sjálfstæðisflokksins viljum taka undir afgreiðslu menningar og kynningarnefndar varðandi Sögusetur ísl. hestsins. Mjög æskilegt er að gerður sé samningur til nokkurra ára milli sveitarfélagsins og þessa skagfirska safns, til að tryggja áframhaldandi uppbyggingu. Ef áætlanir ganga eftir munu með starfseminni verða til nokkur ný störf."

Afgreiðsla 42. fundar menningar og kynningarnefndar staðfest á 255. fundi sveitarstjórnar með níu atkvæðum.

Afgreiðsla 42. fundar menningar og kynningarnefndar staðfest á 255. fundi sveitarstjórnar með átta atkvæðum.

Þórdís Friðbjörnsdóttir óskar bókað að hún taki ekki þátt í afgreiðslu þessa liðar.

Afgreiðsla 42. fundar menningar og kynningarnefndar staðfest á 255. fundi sveitarstjórnar með átta atkvæðum.

Þórdís Friðbjörnsdóttir óskar bókað að hún taki ekki þátt í afgreiðslu þessa liðar.

Fulltrúar sjálfstæðisflokks óska bókað.

"Við fulltrúar sjálfstæðisflokks teljum að taka þurfi málaflokkinn nr. 11 "umhverfismál" í Sveitarfélaginu Skagafirði til rækilegrar endurskoðunar og endurskipulagningar. Skilgreina þarf á hvaða atriði í umhverfismálum skal leggja áherslu ár hvert og síðan ákveða hver beri ábyrgð á framkvæmdinni"

Afgreiðsla 48. fundar umhverfis og samgöngunefndar staðfest á 255. fundi sveitarstjórnar með níu atkvæðum.