Glaumbær - deiliskipulag

Á fund skipulags- og byggingarnefndar kom Sigríður Sigurðardóttir Safnstjóri Byggðasafns Skagfirðinga til viðræðna við skipulags- og byggingarnefnd um málefni Byggðasafnsins og skipulagsmál við gamla bæinn í Glaumbæ. Einnig sat Ásta Pálmadóttir sveitarstjóri fund nefndarinnar undir þessum lið.

Afgreiðsla 248. fundar skipulags- og byggingarnefndar staðfest á 307. fundi sveitarstjórnar með níu atkvæðum

Rætt um skipulagsmál við gamla bæinn í Glaumbæ. Samþykkt að óska eftir viðræðum við hagsmunaaðila á svæðinu.

Afgreiðsla 252. fundar skipulags- og byggingarnefndar staðfest á 310. fundi sveitarstjórnar með níu atkvæðum.

Lögð fram til kynningar forsögn Sigríðar Sigurðardóttur forstöðumaðumans Byggðasafns Skagfirðinga í Glaumbæ dagsett 24. apríl 2014, varðandi stefnumótun um framtíð safnasvæðis í Glaumbæ. Jón Örn skipulags-og byggingarfulltrúi gerði grein fyrir fundi sem haldinn var í Glaumbæ þann 22. apríl sl. Skipulags- og byggingarnefnd samþykkir fyrir sitt leiti þá stefnu sem mörkuð er í forsögn forstöðumanns Byggðasafnsins.

Lögð fram til kynningar forsögn Sigríðar Sigurðardóttur forstöðumaðumans Byggðasafns Skagfirðinga í Glaumbæ dagsett 24. apríl 2014, varðandi stefnumótun um framtíð safnasvæðis í Glaumbæ. Atvinnu-, menningar- og kynningarnefnd samþykkir fyrir sitt leiti þá stefnu sem mörkuð er í forsögn forstöðumanns Byggðasafnsins.

Afgreiðsla 7. fundar atvinnu- menningar- og kynningarnefndar staðfest á 315. fundi sveitarstjórnar 7. maí 2014 með níu atkvæðum.

Afgreiðsla 258. fundar skipulags- og byggingarnefndar staðfest á 315. fundi sveitarstjórnar 7. maí 2014 með níu atkvæðum.

Fyrir fundinum liggja vinnudrög - deiliskipulag- unnin af Hjörleifi Stefánssyni arkitekt dagsett 20. febrúar 2015. Skipulagsmörkin samþykkt eins og þau eru á tillögudrögunum. Ákveðið að vinna málið áfram.

Afgreiðsla 270. fundar skipulags- og byggingarnefndar staðfest á 325. fundi sveitarstjórnar 25. febrúar 2015 með átta atkvæðum.

Fyrir fundinum liggur skipulagslýsing vegna fyrirhugaðrar gerðar deiliskipulags fyrir safnasvæði Byggðasafns Skagfrðinga í Glaumbæ, dagsett 15.03.2015 unnin af Hjörleifi Stefánssyni arkitekt. Lýsing skipulagsverkefnisins er unnin í samræmi við 40. grein Skipulagslaga. Skipulags- og bygginnarnefnd samþykkir framlagða skipulagslýsingu og leggur til við sveitarstjórn að lýsingin verði kynnt samkvæmt ákvæðum Skipulagslaga.

Forseti gerir tillögu um að vísa afgreiðslu málsins til 15. liðar á dagskrá "Glaumbær - deiliskipulag." Samþykkt samhljóða.

Þannig bókað á 271. fundi skipulags- og byggingarnefndar þann 27. mars 2015

"Fyrir fundinum liggur skipulagslýsing vegna fyrirhugaðrar gerðar deiliskipulags fyrir safnasvæði Byggðasafns Skagfirðinga í Glaumbæ, dagsett 15.03.2015 unnin af Hjörleifi Stefánssyni arkitekt. Lýsing skipulagsverkefnisins er unnin í samræmi við 40. grein Skipulagslaga. Skipulags- og byggingarnefnd samþykkir framlagða skipulagslýsingu og leggur til við sveitarstjórn að lýsingin verði kynnt samkvæmt ákvæðum Skipulagslaga."

Sveitarstjórn samþykkir framlagða skipulagslýsingu og samþykkir að skipulagslýsingin verði kynnt samkvæmt ákvæðum Skipulagslaga."