Atvinnu-, menningar- og kynningarnefnd Svf Skagafjarðar

Björn Ingi Óskarsson kom til fundar nefndarinnar og fór yfir þinglýsta eignarstöðu félagsheimila í Skagafirði. Ákveðið að halda fundi með öðrum eigendum og aðilum að félagsheimilunum.

Atvinnu-, menningar- og kynningarnefnd samþykkir framlagðan samning við Ferðamálastofu um skilyrtan styrk til reksturs upplýsingamiðstöðvar Norðurlands vestra í Varmahlíð fyrir árið 2014.

Atvinnu-, menningar- og kynningarnefnd samþykkir framlögð drög að samningi við Kaupfélag Skagfirðinga um rekstur upplýsingamiðstöðvar Norðurlands vestra í Varmahlíð fyrir árin 2014-2017. Sigfúsi Inga falið að ganga frá samningi við Kaupfélag Skagfirðinga.

Kynntur styrkur sem Sveitarfélagið Skagafjörður fékk úr Framkvæmdasjóði ferðamannastaða til endurbóta á minnismerkinu um Stephan G. Stephansson á Arnarstapa. Nefndin fagnar styrkveitingunni og felur Sigfúsi Inga að ganga frá samningum um verkið.

Farið yfir framkvæmd á atvinnulífssýningunni Lífsins gæði og gleði 2014. Nefndin fagnar því hve vel tókst til við framkvæmd sýningarinnar og þakkar þátttakendum, gestum og starfsmönnum fyrir gott starf.

Lagt fram minnisblað frá skólameistara FNV um undirbúning þess að bjóða upp á eins árs nám (svokallað 4. þrep samkvæmt nýjum lögum um framhaldsskóla) í tölvunarfræði og verkfræði við FNV í samstarfi við Háskólann í Skövde. Nefndin fagnar hugmyndinni og lýsir yfir vilja til samstarfs við skólann, Hátæknisetur Íslands og fleiri aðila um verkefnið, og vísar í eftirfarandi bókun frá fundi nefndarinnar 20.12. 2013: "Nefndin samþykkir að leggja allt að kr. 1.000.000,- af málaflokki 13090 til mögulegs samstarfsverkefnis með m.a. Fjölbrautaskóla Norðurlands vestra, Hátæknisetri Íslands o.fl. um nýjar leiðir við miðlun efnis í uppbyggingu náms á framhalds- og háskólastigi í tæknigreinum."

Lögð fram til kynningar forsögn Sigríðar Sigurðardóttur forstöðumaðumans Byggðasafns Skagfirðinga í Glaumbæ dagsett 24. apríl 2014, varðandi stefnumótun um framtíð safnasvæðis í Glaumbæ. Atvinnu-, menningar- og kynningarnefnd samþykkir fyrir sitt leiti þá stefnu sem mörkuð er í forsögn forstöðumanns Byggðasafnsins.

Tekin fyrir umsagnarbeiðni byggðarráðs um flutning og endurgerð á gamla íbúðarhúsinu að Hraunum í Fljótum. Með tilvísun í forstöðumann Byggðasafns Skagfirðinga telur nefndin ekki rétt að þiggja húsið til varðveislu þar sem sveitarfélagið á nú þegar hús sömu gerðar, þ.e. Áshúsið í Glaumbæ, enda væri verulega kostnaðarsamt að flytja og endurbyggja húsið á nýjum stað.

Lagt fram til kynningar bréf frá framkvæmdastjóra SSNV um stöðu menningarsamninga við landshluta. Formaður fór yfir stöðuna. Nefndin harmar boðaðan áframhaldandi niðurskurð framlaga ríkisins til landshlutans.

Lögð fram til kynningar drög að fjölskyldustefnu Sveitarfélagsins Skagafjarðar. Nefndin telur að þeim málaflokkum sem tilheyra nefndinni séu gerð góð skil í drögunum og fagnar framkomnum drögum.

Atvinnu-, menningar- og kynningarnefnd samþykkir að auka fjárheimildir málaflokks Byggðasafns Skagfirðinga um kr. 300.000,- til að mæta eftirspurn eftir aukinni opnun fyrir hópa inn í Minjahúsið á Sauðárkróki. Fjármunirnir færast af styrkjalið 05. Sigfúsi Inga falið að ganga frá útfærslu þessa máls í samráði við forstöðumann Byggðasafns Skagfirðinga.