Skipulags- og byggingarnefnd

Stefán Gunnar Thors skipulagsráðgjafi hjá VSO situr fundinn undir þessum lið í gegnum fjarfundarbúnað. Stefán fer yfir þær breytingar sem gerðar hafa verið vegna ábendinga Skipulagsstofnunar dags. 22.febrúar 2021 á tillögu að endurskoðuðu Aðalskipulagi Sveitarfélagsins Skagafjarðar 2020-2035.

Skipulags- og byggingarnefnd bókaði á fundi 21.9.2020 vegna kynningar á brunahönnun tengdri mannvirkjum á lóðinni númer 51 við Skagfirðingabraut að skýrsla um brunahönnun yrði send til yfirferðar óháðs aðila. Sú yfirferð liggur fyrir og hafa hönnuðir brugðist við ábendingum, athugasemdum. Skipulagsfulltrúi, byggingarfulltrúi og slökkviliðsstjóri hafa farið yfir framlagða lokaskýrslu brunahönnuða og gera ekki athugasemdir við skýrsluna.

Knútur Aadnegard kt 020951-2069, sækir um byggingarleyfi vegna breytinga á Skógargötu 1, Sauðárkróki. Breytingar felast í að gerðar verða íbúðir á öllu hæðum hússins. Skipulags- og byggingarnefnd gerir ekki athugasemdir við að byggingarfulltrúi veiti byggingarleyfi fyrir umbeðnum breytingum hússins en vísar að öðru leiti til fyrri samþykkta nefndarinnar varðandi afmörkun lóða og gerð deiliskipulags fyrir svæðið í kring.

Stefán Gísli Haraldsson kt. 050285-2949 og Unnur Gottsveinsdóttir kt. 100888-3009, þinglýstir eigendur Brautarholts lands, L217630 á Langholti í Skagafirði, óska eftir heimild skipulags- og byggingarnefndar til að stofna byggingarreit skv. meðfylgjandi hnitsettum afstöðuuppdrætti, gerðum á Stoð ehf. verkfræðistofu af Atla Gunnari Arnórssyni. Númer uppdráttar er S-101 í verki 7390-04, dags. 16. janúar 2021. Á byggingarreitnum er fyrirhugað að byggja vélageymslu. Erindið samþykkt eins og það er fyrir lagt.