Reglugerð um búfjárhald í Sveitarfélaginu Skagafirði

Lögð fram drög að nýrri reglugerð um búfjárhald í þéttbýli í Sveitarfélaginu Skagafirði.
Samþykkt að fara betur yfir texta og tilvísanir.

Afgreiðsla 168. fundar landbúnaðarnefndar staðfest á 633. fundi byggðarráðs með þremur atkvæðum.

Lögð fram drög að samþykkt um búfjárhald í þéttbýli í Sveitarfélaginu Skagafirði.
Landbúnaðarnefnd vísar drögunum til umsagnar umhverfis- og samgöngunefndar, skipulags- og byggingarnefndar og byggðarráðs.

Afgreiðsla 169. fundar landbúnaðarnefndar staðfest á 307. fundi sveitarstjórnar með níu atkvæðum.

Erindinu vísað frá 169. fundi landbúnaðarnefndar. Lögð fram til umsagnar drög að nýrri samþykkt um búfjárhald í þéttbýli í Sveitarfélaginu Skagafirði.
Byggðarráð leggur til að 7. grein orðist svo: "Þjónustufulltrúi heldur skrá yfir lönd í eigu sveitarfélagsins, sem leigð eru til beitar og/eða slægna. Umsóknum um land til beitar eða slægna skal senda til þjónustufulltrúa sem úthlutar landi í samráði við landbúnaðarnefnd í umboði eignarsjóðs."

Samþykkt um búfjárhald í Sveitarfélaginu Skagafirði lagt fram til kynningar.

Nefndin leggur til eftirfarandi breytingu á 4. grein.
Með leyfi öðlast búfjáreigendur þó rétt til upprekstrar sauðfjár og hrossa á afréttir í sveitarfélaginu.

Nefndin beinir því til landbúnaðarnefndar að verklagsreglur verði unnar um framkvæmd samþykktar.

Afgreiðsla 644. fundar byggðaráðs staðfest á 309. fundi sveitarstjórnar með níu atkvæðum.

Afgreiðsla 91. fundar umhverfis- og samgöngunefndar staðfest á 309. fundi sveitarstjórnar með níu atkvæðum.

Samþykkt um búfjárhald í Sveitarfélaginu Skagafirði. Lögð fram til kynningar drög að samþykkt um búfjárhald innan þéttbýlisstaða í Sveitarfélaginu Skagafirði. Umsögn frestað til næsta fundar.

Afgreiðsla 252. fundar skipulags- og byggingarnefndar staðfest á 310. fundi sveitarstjórnar með níu atkvæðum.

Samþykkt að fresta afgreiðslu málsins.

Afgreiðsla 171. fundar landbúnaðarnefndar staðfest á 311. fundi sveitarstjórnar þann 12. febrúar 2014 með níu atkvæðum.

Kynnt drög að samþykkt um búfjárhald í Sveitarfélaginu Skagafirði og umsagnir nefnda.
Landbúnaðarnefnd samþykkir að ítreka beiðni um umsögn frá skipulags- og byggingarnefnd um drögin.

Afgreiðsla 174. fundar landbúnaðarnefndar staðfest á 668. fundi byggðarráðs þann 18. júlí 2014 með þremur atkvæðum.

Á 174. fundi landbúnaðarnefndar sem haldinn var 9. júlí s.l. voru kynnt drög að samþykkt um búfjárhald í Sveitarfélaginu Skagafirði og umsagnir nefnda. Þá ítrekaði Landbúnaðarnefnd beiðni um umsögn frá skipulags- og byggingarnefnd um drögin.

Fyrir liggja ábendingar skipulags- og byggingarfulltrúa við drögin. Skipulags- og byggingarnefnd samþykkir að senda Landbúnaðarnefnd ábendingar skipulags- og byggingarfulltrúa.

Afgreiðsla 261. fundar skipulags- og byggingarnefndar staðfest á 319. fundi sveitarstjórnar 1. október 2014 með níu atkvæðum.

Farið yfir texta á drögum að samþykkt um búfjárhald í þéttbýli í Sveitarfélaginu Skagafirði.

Afgreiðsla 177. fundar landbúnaðarnefndar staðfest á 326. fundi sveitarstjórnar 22. apríl 2015 með níu atkvæðum.

Lögð fram drög að nýrri samþykkt um búfjárhald í þéttbýli í Sveitarfélaginu Skagafirði.
Landbúnaðarnefnd samþykkir fyrirliggjandi drög og vísar þeim til afgreiðslu byggðarráðs.

Lögð fram drög að nýrri samþykkt um búfjárhald í þéttbýli í Sveitarfélaginu Skagafirði. Drögin voru samþykkt á 179. fundi landbúnaðarnefndar þann 14. september 2015. Samþykkt þessi er sett til að tryggja skipulag, stjórn og eftirlit með búfjárhaldi í þéttbýli í Sveitarfélaginu Skagafirði og koma þannig í veg fyrir ágang á lóðir íbúa og einnig til verndar gróðri í sveitarfélaginu. Þeir þéttbýlisstaðir sem samþykkt þessi tekur til eru Sauðárkrókur, Hofsós, Varmahlíð og Steinsstaðir.
Í samþykktinni segir m.a.: Búfjárhald er almennt óheimilt í þéttbýli í Sveitarfélaginu Skagafirði. Búfjárhald er þó heimilt í þéttbýli í sérstaklega skipulögðum hverfum eða að fengnu sérstöku leyfi landbúnaðarnefndar. Í þessari samþykkt er með búfjárhaldi átt við nautgripa-, hrossa-, svína-, sauðfjár-, kanínu-, geita-, loðdýra- og alifuglahald, sbr. lög nr. 38/2013 um búfjárhald. Heimilt er að halda allt að 10 hænsni á hverri lóð, en hanar eru með öllu bannaðir í þéttbýli í sveitarfélaginu. Þeir sem eiga eða hafa í umsjón sinni búfé skulu hafa sótt um búfjárleyfi fyrir 1. apríl 2016.

Byggðarráð samþykkir fyrirliggjandi drög með áorðnum breytingum sem aðallega eru orðalagsbreytingar en ekki efnisbreytingar. Samþykktinni vísað til afgreiðslu sveitarstjórnar og staðfestingar atvinnuvega- og nýsköpunarráðuneytisins.

Afgreiðsla 179. fundar landbúnaðarnefndar staðfest á 331. fundi sveitarstjórnar 16. september 2015 með átta atkvæðum.

Forseti gerir tillögu um að vísa afgreiðslu málsins til liðar nr 7 "Samþykkt um búfjárhald í Sveitarfélaginu Skagafirði". Samþykkt samhljóða.

Lögð fram svohljóðandi samþykkt um búfjárhald í þéttbýli í Sveitarfélaginu Skagafirði:


SAMÞYKKT
um búfjárhald í þéttbýli í Sveitarfélaginu Skagafirði.


1. gr. Markmið, gildissvið og umsjón.
Samþykkt þessi er sett til að tryggja skipulag, stjórn og eftirlit með búfjárhaldi í þéttbýli í Sveitarfélaginu Skagafirði og koma þannig í veg fyrir ágang á lóðir íbúa og einnig til verndar gróðri í sveitarfélaginu.
Þeir þéttbýlisstaðir sem samþykkt þessi tekur til eru Sauðárkrókur, Hofsós, Varmahlíð og Steinsstaðir sbr. meðfylgjandi uppdrætti sem sýnir afmörkun svæðanna samkvæmt fylgiskjali 1.
Landbúnaðarnefnd fer með framkvæmd þessar samþykktar, í umboði sveitarstjórnar, og felur þjónustufulltrúa að vinna samkvæmt henni, að svo miklu leyti að hún sé ekki falin öðrum samkvæmt lögum.
Með umráðamanni búfjár í samþykkt þessari er átt við eiganda búfjár eða aðila sem er ábyrgur fyrir fóðrun, aðbúnaði og vörslu þess í samræmi við gildandi reglur í Sveitarfélaginu Skagafirði eða samkvæmt samningi milli aðila, sbr. 9. tl. 3. gr. laga nr. 38/2013 um búfjárhald.

2. gr. Takmörkun á búfjárhaldi.
Búfjárhald er almennt óheimilt í þéttbýli í Sveitarfélaginu Skagafirði. Búfjárhald er þó heimilt í þéttbýli í sérstaklega skipulögðum hverfum eða að fengnu sérstöku leyfi landbúnaðarnefndar.
Í þessari samþykkt er með búfjárhaldi átt við nautgripa-, hrossa-, svína-, sauðfjár-, kanínu-, geita-, loðdýra- og alifuglahald, sbr. lög nr. 38/2013 um búfjárhald.
Heimilt er að halda allt að 10 hænsni á hverri lóð, en hanar eru með öllu bannaðir í þéttbýli í sveitarfélaginu.

3. gr. Umsókn.
Sá sem stunda vill búfjárhald í þéttbýli, sbr. 2. gr., skal senda skriflega umsókn til landbúnaðarnefndar. Í umsókninni skal gera grein fyrir fjölda búfjár, tegund þess, hvaða húsnæði sé til umráða og annað er máli kann að skipta um öryggi þess og vörslu.
Telji landbúnaðarnefnd umsækjanda uppfylla þau skilyrði sem krafist er samkvæmt gildandi lögum og stjórnvaldsreglum gefur hún út skriflegt leyfi á nafn umsækjanda. Leyfið er ekki framseljanlegt. Í leyfinu skal tilgreina til hvaða tegunda leyfi til búfjárhalds nær og hámarksfjölda búfjár. Leyfið er háð gildandi lögum og reglum um búfjárhald eins og þær eru á hverjum tíma.

4. gr. Leyfi til búfjárhalds.
Eigandi búfjár eða umráðamaður þess getur sótt um leyfi til búfjárhalds í þéttbýli í Sveitarfélaginu Skagafirði, og nefnist hann þá leyfishafi. Leyfisveiting búfjárhalds til leyfishafa skuldbindur ekki sveitarfélagið til að sjá leyfishafa fyrir beitilandi handa búfé né veita þeim aðra aðstöðu til búfjárhalds. Leyfishafi skal hafa búféð í öruggri vörslu og ber hann að öllu leyti ábyrgð á því.
Með leyfi öðlast leyfishafi rétt til upprekstrar búpenings á afréttir í sveitarfélaginu. Leyfi til búfjárhalds er veitt til ákveðins tíma, en er uppsegjanlegt með eins árs fyrirvara, sem miðast við 15. september ár hvert.
Óski leyfishafi búfjár eftir því að halda annan búfénað en þann sem um getur í leyfisbréfi, fjölga búfénaði eða óska eftir yfirtöku búfjárhalds sem leyfi hefur verið veitt fyrir, skal sótt um nýtt leyfi.
Ef leyfishafi brýtur ítrekað gegn lögum nr. 38/2013 um búfjárhald o.fl. eða samþykkt þessari og sinnir ekki kröfum um úrbætur, má afturkalla leyfi til búfjárhalds með fjögurra vikna fyrirvara.

5. gr. Læknismeðferðir búfjár.
Allar lögskipaðar læknismeðferðir á búfénaði, svo sem garnaveikibólusetning og annað sem upp gæti komið, skulu framkvæmdar á ábyrgð og kostnað búfjáreiganda. Um fjallskil af búfé og landi í Sveitarfélaginu Skagafirði fer eftir lögum nr. 6/1986 um afréttamálefni, fjallskil o.fl., með síðari breytingum, svo og ákvæðum í fjallskilasamþykkt fyrir Skagafjarðarsýslu nr. 488/1998.
Umráðamanni búfjár er skylt að merkja búfé sitt, sbr. reglugerð um merkingu búfjár nr. 916/2012.

6. gr. Aðbúnaður búfjár.
Óheimilt er að halda búfé, nema þar til gerður húsakostur sé í samræmi við reglugerðir og aðrar stjórnvaldsreglur um aðbúnað búfjár. Sama gildir um allt umhverfi húsanna.
Leyfishafi ber einn ábyrgð á því að hann hafi beitiland og fóður fyrir búfé sitt og skal hann tryggja góða meðferð þess, sbr. lög nr. 55/2013 um velferð dýra. Gangi búfé úti á vetrarbeit skal umráðamaður þess ábyrgjast nægilegt fóður, viðunandi skjól og örugga vörslu.

7. gr. Beitilönd og lönd til slægna.
Þjónustufulltrúi heldur skrá yfir lönd í eigu sveitarfélagsins, sem leigð eru til beitar og/eða slægna. Umsóknum um land til beitar eða slægna skal senda til þjónustufulltrúa sem úthlutar landi í umboði eignasjóðs.
Umráðamenn búfjár sem hafa land innan þéttbýlis til leigu frá sveitarfélaginu skulu hafa landið girt gripheldri girðingu, sem nauðsynleg er til vörslu þess búfjár sem innan hennar eiga að vera.
Einstaklingar og félög búfjáreigenda, sem hafa lönd í eigu sveitarfélagsins á leigu til beitar eða slægna skulu leitast við að viðhalda gróðri landsins og efla hann, meðal annars með árlegri áburðargjöf. Í leigusamningi fyrir beiti- og slægjulönd eru tilgreindar reglur um umgengni um landið.

8. gr. Lausaganga og handsömun búfjár.
Lausaganga búfjár er bönnuð innan þéttbýlisstaða Sveitarfélagsins Skagafjarðar. Mörkin eru samkvæmt gildandi aðalskipulagi hverju sinni. Komist búfé inn á friðuð svæði þrátt fyrir viðurkennda griphelda vörslu skulu vörsluaðilar lands ábyrgjast handsömun og ráðstöfun þess í samræmi við almenn ákvæði laga nr. 6/1986 um afréttamálefni, fjallskil o.fl., með síðari breytingum, sérstök ákvæði í viðkomandi fjallskilasamþykkt svo og 24. gr. laga nr. 55/2013 um velferð dýra.
Ennfremur geta þeir, sem fyrir ágangi verða, látið handsama ágangsfénað á kostnað eiganda og skulu þeir tilkynna þjónustufulltrúa um það tafarlaust. Kostnaður vegna handsömunar er samkvæmt gjaldskrá og er tryggður með lögveði í búfénu. Fénaður sem er handsamaður samkvæmt þessari grein skal vistaður í umsjón sveitarfélagsins þar til umráðamaður vitjar þess.
Við ítrekuð brot eða hafi umráðamaður ekki hirt um að sækja búfé sitt innan tíu daga, er heimilt að svipta viðkomandi leyfi til búfjárhalds. Um ráðstöfun búfjár fer eftir lögum nr. 55/2013 um velferð dýra.

9. gr. Húsakostur.
Bygging gripahúsa annarra en hænsnakofa er einungis leyfð á sérstaklega skipulögðum svæðum sem eru ætluð fyrir búfjárhald. Óheimilt er að byggja við þau, endurnýja eða endurbyggja og gæta skal þess að þau líti vel út. Byggingarleyfi fyrir hænsnakofa er háð ákvæðum gildandi byggingarreglugerðar, með síðari breytingum. Þau gripahús sem fyrir eru á þéttbýlisstöðum í sveitarfélaginu og svæðum sem ekki eru ætluð til búfjárhalds samkvæmt aðalskipulagi, skulu fjarlægð þegar sveitarstjórn ákveður slíkt, með eins árs fyrirvara.

10. gr. Viðurlög.
Brot gegn samþykkt þessari varða sektum. Með mál út af brotum skal farið samkvæmt ákvæðum laga um meðferð sakamála nr. 88/2008 og skv. 18. gr. laga um búfjárhald o.fl. nr. 38/2013.

11. gr. Gildistaka.
Samþykkt þessi, sem samin er og samþykkt af Sveitarstjórn Sveitarfélagsins Skagafjarðar, staðfestist hér með samkvæmt 4. gr. laga nr. 38/2013, um búfjárhald o.fl. til þess að öðlast gildi þegar í stað og birtast til eftirbreytni öllum þeim sem hlut eiga að máli.


Ákvæði til bráðabirgða.
Þeir sem eiga eða hafa í umsjón sinni búfé skulu hafa sótt um búfjárleyfi fyrir 1. apríl 2016.

Framangreind samþykkt borin undir atkvæði og samþykkt með níu atkvæðum.

Lögð fram tillaga að samþykkt um breytingu á samþykkt um búfjárhald í þéttbýli í Sveitarfélaginu Skagafirði, nr. 1264/2015:

1. gr.
3. mgr. 2. gr. samþykktarinnar verður svohljóðandi: Heimilt er að halda allt að 10 hænsni á hverri íbúðarhúsalóð en hanar eru með öllu bannaðir á þeim lóðum. Sérstakt leyfi landbúnaðarnefndar þarf til að halda hana á öðrum svæðum innan þéttbýlismarka.

2. gr.
Samþykkt þessi, sem samin er og samþykkt af sveitarstjórn Sveitarfélagsins Skagafjarðar, staðfestist hér með samkvæmt 4. gr. laga nr. 38/2013, um búfjárhald. Samþykktin öðlast þegar gildi. Við gildistöku þessarar samþykktar fellur úr gildi samþykkt um búfjárhald í Hofshreppi nr. 302/1992.

Landbúnaðarnefnd samþykkir breytinguna og vísar henni til afgreiðslu og staðfestingar sveitarstjórnar.

Forseti gerir tillögu um að vísa afgreiðslu málsins til liðar nr 8 "Samþykkt um búfjárhald í Sveitarfélaginu Skagafirði". Samþykkt samhljóða.

Vísað frá 182. fundi landbúnaðarnefnar frá mars 2016 til samþykktar í sveitarstjórn.

Þannig bókað á fundi landbúnaðarnefndar:
"Lögð fram tillaga að samþykkt um breytingu á samþykkt um búfjárhald í þéttbýli í Sveitarfélaginu Skagafirði, nr. 1264/2015:

1. gr.
3. mgr. 2. gr. samþykktarinnar verður svohljóðandi: Heimilt er að halda allt að 10 hænsni á hverri íbúðarhúsalóð en hanar eru með öllu bannaðir á þeim lóðum. Sérstakt leyfi landbúnaðarnefndar þarf til að halda hana á öðrum svæðum innan þéttbýlismarka.

2. gr.
Samþykkt þessi, sem samin er og samþykkt af sveitarstjórn Sveitarfélagsins Skagafjarðar, staðfestist hér með samkvæmt 4. gr. laga nr. 38/2013, um búfjárhald. Samþykktin öðlast þegar gildi. Við gildistöku þessarar samþykktar fellur úr gildi samþykkt um búfjárhald í Hofshreppi nr. 302/1992."

Landbúnaðarnefnd samþykkir breytinguna og vísar henni til afgreiðslu og staðfestingar sveitarstjórnar.:

Tillaga að samþykkt um breytingu á samþykkt um búfjárhald í þéttbýli í Sveitarfélaginu Skagafirði, nr. 1264/2015 borin upp til afgreiðslu og samþykkt með níu atkvæðum.