Byggðarráð Svf. Skagafjarðar

Lagt fram bréf frá Sambandi íslenskra sveitarfélaga, dagsett 4. júlí 2014, þar sem boðað er til XXVIII. landsþings sambandsins. Þingið verður haldið á Akureyri dagana 24. til 26. september 2014.

Í fjárhagsáætlun ársins 2014 er heilmild til að taka langtímalán allt að 868 milljónum króna.

Byggðarráð samþykkir hér með að taka óverðtryggt lán hjá Lánasjóði sveitarfélaga ohf. að fjárhæð 500.000.000 kr. til 15 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til greiðslu á framkvæmdakostnaði vegna viðbyggingar við Árskóla, nýframkvæmdum Skagafjarðarveitna-hitaveitu, fasteignakaupum og gatnagerð, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Ástu Pálmadóttur, kt. 040764-2839, veitt fullt og ótakmarkað umboð til þess f.h. Sveitarfélagsins Skagafjarðar að undirrita lánssamning við Lánasjóð sveitarfélaga ohf. sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Lögð fram tillaga að viðauka nr. 8 við fjárhagsáætlun 2014 vegna hækkunar launakostnaðar um 7 milljónir króna og tekna um sömu upphæð í málaflokki 02 - Félagsþjónusta.
Byggðarráð samþykkir ofangreindan viðauka við fjárhagsáætlun 2014.

Lögð fram bókun frá 209. fundi félags- og tómstundanefndar þann 8. júlí 2014 þar sem lagt er til að byggðarráð tryggi fjárveitingu að upphæð 7 milljónir króna svo hægt verði að veita búsetuúrræði í Fellstúni 19b, frá og með september næstkomandi.
Byggðarráð samþykkir að hækka launalið málaflokks 025-Málefni fatlaðra um 7.000.000 kr., svo hægt sé að veita umrædda þjónustu.

Rætt um flutning á á Iðju-hæfingu úr núverandi leiguhúsnæði við Aðalgötu 21 í fyrrum leikskólahúsnæði við Sæmundarhlíð.
Byggðarráð samþykkir að haldið verði áfram með vinnu við hönnun og undirbúning verksins. Stefnt er að því að framkvæmdir verði settar á fjárhagsáætlun 2015.

Lögð fram tillaga að viðauka nr. 9 við fjárhagsáætlun 2014 vegna úrbóta til að tryggja örugga afhendingu rafmagns á tjaldstæði á Nöfum og á Flæðum. Fjárfestingaliður málaflokks 31 - eignasjóðs, hækkar um 10.500.000 krónur og hækkuninni mætt með lækkun á handbæru fé.
Byggðarráð samþykkir framangreindan viðauka.

Til að tryggja örugga afhendingu rafmagns á tjaldsvæði á Nöfum á unglingalansdmóti UMFÍ 2014 þarf að leggja nýja heimtaug að nýrri og varanlegri spennistöð á svæðinu, setja upp götuskápa, plægja niður strengi. Áætlaður kostnaður er 10.160.000 krónur.
Byggðarráð samþykkir að farið verði í framkvæmdina.

Lagt fram bréf frá stjórn Söguseturs íslenska hestsins, dagsett 4. júní 2014, þar sem óskað er eftir 1.500.000 kr. rekstrarstyrk á árinu 2014. Fram kemur í bréfinu að væntingar stjórnarinnar um að fá rekstrarfé frá ríkinu líkt og fyrri ár munu ekki rætast. Frestað erindi frá 664. fundi ráðsins þann 12. júní 2014.
Byggðarráð Sveitarfélagsins Skagafjarðar samþykkir að veita Sögusetri íslenska hestsins styrk sem nemur áætlaðri hlutdeild í launakostnaði eins starfsmanns frá 1. júní s.l. til loka ágúst 2014, allt að 800.000 kr.

Lagðar fram til kynningar upplýsingar um rekstur sveitarfélagsins og stofnana þess fyrir tímabilið janúar-maí 2014.

Lagt fram bréf dagsett 2. júlí 2014 frá Bílaklúbbi Skagafjarðar, þar sem klúbburinn sækir um leyfi til að halda rallykeppni helgina 25.-26. júlí 2014.
Eknar verða sérleiðirnar:
744 Þverárfjallsvegur, (gamli vegurinn að mestu), 742 Mýrarvegur frá Mánaskál að fjárrétt við Kirkjuskarð, F 752 Skagafjarðarvegur frá Litluhlíð að Þorljótsstöðum, F 756 Mælifellsvegur um Mælifellsdal,
Sauðárkrókshöfn og Nafir.
Keppnin fer fram í samræmi við keppnisreglur LÍA um aksturskeppnir.
Byggðarráð samþykkir erindið fyrir sitt leyti svo fremi að öll önnur tilskilin leyfi fáist frá hlutaðeigandi aðilum og öllum reglum verði framfylgt.

Byggðarráð Sveitarfélagsins Skagafjarðar ítrekar mótmæli sín og harmar setningu reglugerðar heilbrigðisráðherra um sameiningu heilbrigðisstofnana á Norðurlandi. Sameiningin er þvert gegn vilja íbúa Skagafjarðar, enda er algjör óvissa um hvaða þjónustu ný stofnun mun veita þeim.

Sveitarfélagið Skagafjörður er í viðræðum við heilbrigðisráðuneytið um yfirtöku á rekstri Heilbrigðisstofnunarinnar Sauðárkróki með samningi við Sjúkratryggingar Íslands og mikilvægt er að setning reglugerðarinnar hafi ekki áhrif á þær viðræður, sem er ekki lokið.

Byggðarráð brýnir fyrir stjórnvöldum að hlusta á og virða vilja íbúa við setningu laga og reglugerða.

Fundargerð 7. fundar veitunefndar lögð fram til afgreiðslu á 667. fundi byggðarráðs þann 10. júlí 2014 eins og einstök erindi bera með sér. Byggðarráð samþykkir fundargerðina.

Fundargerð 209. fundar félags- og tómstundanefndar lögð fram til afgreiðslu á 667. fundi byggðarráðs þann 10. júlí 2014 eins og einstök erindi bera með sér. Byggðarráð samþykkir fundargerðina.