Byggðarráð Svf. Skagafjarðar

Fundargerð heilbrigðisnefndar Norðurlands vestra frá 3. júlí 2012 lögð fram til kynningar á 597. fundi byggðarráðs.

Fundargerð stjórnar Norðurár bs. frá 3. apríl 2012 og fundargerð vinnufundar frá 9. maí 2012, lagðar fram til kynningar á 597. fundi byggðarráðs.

Fundargerð stjórnar Sambands sveitarfélaga á Norðurlandi vestra (SSNV) frá 3. júlí 2012 lögð fram til kynningar á 597. fundi byggðarráðs.

Lagt fram til kynningar bréf frá Sambandi íslenskra sveitarfélaga varðandi nýsköpun í opinberum rekstri og nýsköpunarráðstefnu sem verður haldin í Reykjavík 30. október 2012.

Lagt fram til kynningar svarbréf frá innanríkisráðuneytinu vegna umsagnar sveitarstjóra um drög að reglugerð um fjármálareglur sveitarfélaga.
Byggðarráð ítrekar athugasemdir sínar og mótmæli við 12. og 14. grein draga að reglugerð um fjármálareglur sveitarfélaga. Byggðarráð telur að með þessum reglum sé verið að mismuna sveitarfélögum gróflega og jafnræðis ekki gætt.

Lagt fram til kynningar bréf frá Siglingastofnun varðandi fjögurra ára samgönguáætlun 2013-2016. Erindið einnig tekið fyrir á 74. fundi umhverfis- og samgöngunefndar.

Lagt fram til kynningar afrit af bréfi frá íbúum Lýtingsstaðahrepps hins forna, til Vegagerðarinnar, þar sem þeir krefjast þess að lagður verði almennilegur reiðvegur með Skagafjarðarvegi (752) sem liggur frá Varmahlíð að Litlu-Hlíð í Vesturdal.

Lagt fram til kynningar erindi frá íbúum við Hólmagrund á Sauðárkróki varðandi opna svæðið við norðurenda götunnar (fyrrverandi leikvöllur). Vilja þau taka svæðið í fóstur og sjá um það sem opið svæði fyrir unga sem aldna, svo fremi að komi skipulag og fjárveiting frá sveitarfélaginu. Erindið fer til afgreiðslu hjá byggingar- og skipulagsnefnd.

Lagður fram til kynningar tölvupóstur frá velferðarráðuneytinu, þar sem vakin er athygli sveitarfélaga á framkvæmdaáætlun í málefnum fatlaðs fólks 2012-2014 og þeim verkefnum sem sveitarfélögunum er falið að hafa umsjón með. Erindið fer til afgreiðslu hjá félags- og tómstundanefnd.

Lagðar fram til kynningar upplýsingar um launakostnað og skatttekjur sveitarfélagsins tímabilið janúar - júní 2012.

Lagt fram bréf frá óbyggðanefnd varðandi kröfur fjármálaráðherra fyrir hönd íslenska ríkisins um þjóðlendur á Norðvesturlandi og opinber kynning óbyggðanefndar á þeim. Gerð er krafa um þjóðlendur á Norðvesturlandi - Húnavatnssýslu vestan Blöndu ásamt Skaga (svæði 8 norður), sbr. 10. gr. laga nr. 58/1998. Kröfulýsingargögn mun verða hægt að skoða hjá sýslumannsembættum og sveitarfélögum á kröfusvæðum, auk skrifstofu og heimasíðu óbyggðanefndar (obyggdanefnd.is).
Í stuttu máli er kröfugerðinni sem snýr að Sveitarfélaginu Skagafirði lýst þannig af hálfu lögmanns fjármálaráðherra:
"Í hluta Skagafjarðarsýslu og Austur-Húnavatnssýslu er gerð krafa til svokallaðs Almennings á Skagaheiði, afréttarsvæðis sem liggur á miðri Skagaheiði og afmarkast af merkjalýsingum aðliggjandi jarða. Almenningur á Skagaheiði liggur í Austur-Húnavatnssýslu að vestan er Skagafjarðarsýslu að austan og innan sveitarfélaganna Skagabyggðar, Skagastrandar og Skagafjarðar. Þá er gerð krafa til samliggjandi svæða Staðarafréttar, Höskuldsstaðaafréttar og Skrapatunguafréttar sem liggja i Sveitarfélaginu Skagafirði og Blönduósbæ, sem og við Húnavatnshrepp."

Lagt fram bréf frá Eftirlitsnefnd með fjármálum sveitarfélaga, þar sem fram kemur að nefndin hafi yfirfarið ársreikning sveitarfélagsins fyrir rekstrarárið 2011 og fjárhagsáætlanir fyrir árin 2012-2013. Með tilvísun til 64. gr. sveitarstjórnarlaga nr. 138/2011 og reglugerðar um fjárhagsleg viðmið og eftirlit með fjármálum sveitarfélaga 502/2012, er það mat nefndarinnar að fjármál sveitarfélagsins þarfnist frekari skoðunar og að sveitarfélagið standist ekki fjárhagslegt viðmið jafnvægisreglu sveitarstjórnarlaga. Í samræmi við 16. gr. reglugerðar nr. 502/2012 óskar eftirlitsnefndin eftir áætlun sveitarstjórnar um hvernig hún hyggst ná viðmiðum 1. tölul. 2.mgr. 64. gr. sveitarstjórnarlaga nr. 138/2011. Svör skulu berast til nefndarinnar eigi síðar en 1. september 2012.
Byggðarráð samþykkir að fela sveitarstjóra að undirbúa svör til eftirlitsnefndarinnar, en unnið er að rekstrarhagræðingu hjá sveitarfélaginu.

Sigurjón Þórðarson óskar bókað:
"Bréfið frá Eftirlitsnefnd með fjármálum sveitarfélaga staðfestir málflutning Frjálslyndra og óháðra um að rétt sé að taka verði á í rekstri sveitarfélagsins."

Lagt fram fundarboð um aðalfund Norðurár bs., fimmtudaginn 12. júlí 2012 í Félagsheimilinu Fellsborg, Skagaströnd.
Byggðarráð samþykkir að Margeir Friðriksson sviðsstjóri stjórnsýslu- og fjármálasviðs fari með atkvæðisrétt sveitarfélagsins á fundinum.

Áður á dagskrá 596. fundar byggðarráðs. Fornleifarannsókn fornleifadeildar Byggðasafns Skagfirðinga í Málmey. Byggðarráð óskaði eftir nánari upplýsingum um úfærslu og umfang verkefnisins, sem nú hafa borist.
Byggðarráð heimilar fornleifadeild Byggðasafns Skagfirðinga fornleifarannsóknir í Málmey.

Lögð fram tillaga um viðauka við fjárhagsáætlun 2012. Tekjuliður 00820/02500 - Þjónusta við fatlaða, verður lækkaður um 23.364.000 kr. á ársgrundvelli og á móti verður tekjuliður 00020/00010 - Útsvar, hækkaður samsvarandi. Við gerð áætlunar 2012 lá ekki fyrir hvernig ætti bóka þann hluta útsvars sem á standa undir rekstri málaflokks fatlaðra og er þessi breyting gerð til að samræma tekjufærsluna í áætlun 2012 við fjárhagsbókhald sveitarfélagsins.

Lagt fram bréf frá Bjarka Árnasyni, þar sem hann óskar eftir viðræðum um kaup á fasteigninni Austurgötu 5 á Hofsósi.
Byggðarráð tekur jákvætt í erindið og samþykkir að fela sveitarstjóra að vinna að málinu.

Lagt fram bréf frá sýslumanninum á Sauðárkróki, þar sem óskað er umsagnar um umsókn Ferðaþjónustunnar Brúnastöðum ehf. um rekstrarleyfi. Gististaður - flokkur I, sumarhús.
Byggðarráð gerir ekki athugasemdir við umsóknina.

Lagt fram bréf frá sýslumanninum á Sauðárkróki, þar sem óskað er umsagnar um umsókn Félagsheimilisins Skagasels um rekstrarleyfi. Gististaður - flokkur I, svefnpokagisting. Veitingastaður - flokkur I, samkomusalur.
Byggðarráð gerir ekki athugasemdir við umsóknina.

Lagt fram bréf frá sýslumanninum á Sauðárkróki, þar sem óskað er umsagnar um umsókn Gullhyls ehf. um leyfi fyrir skemmtanahaldi (áfengisleyfi), vegna keppni í hestaíþróttum á Vindheimamelum, vikuna 16. - 22. júlí 2012.
Byggðarráð gerir ekki athugasemdir við umsóknina.

Fundargerð 236. fundar skipulags- og bygginganefndar lögð fram til afgreiðslu á 597. fundi byggðarráðs, eins og einstök erindi bera með sér.