Skipulags- og byggingarnefnd

Sunna Björk Björnsdóttir kt. 311083-3929 og Jón Ölver Kristjánsson kt. 170679-5269 sækja 17. janúar sl. um að fá úthlutað einbýlishúsalóð nr. 16 við Fellstún á Sauðárkróki. Samþykkt að úthluta Sunnu Björk og Jóni Ölver lóðinni.

Þórarinn Leifsson kt.230866-4309 og Guðrún Lárusdóttir kt. 240866-5799 sækja 1. febrúar sl. um að sameina tvær séreignir sem standa á landinu Keldudalur land, landnúmer 146391. Eignirnar sem um ræðir eru einbýlishús með fastanúmerið 221-4340 og sambyggt starfsmannahús með fastanúmerið 231-2713. Sótt er um að starfsmannahúsið verði sameinað einbýlishúsinu.
Erindið samþykkt.

Málið áður á dagskrá nefndarinnar 21.10. sl. Þá bókað. ”Skipulags- og byggingarfulltrúa falið að gera tillögur að nýjum lóðarmörkum lóðanna og vinna drög að nýjum lóðarleigusamningum fyrir lóðirnar nr 2,4,6 og 8 við Suðurbraut á Hofsósi.“ 2. desember sl. skrifaði Skipulags- og byggingarfulltrúi lóðarhöfum og óskaði upplýsinga og afstöðu lóðarhafa viðkomandi lóða. Svör bárust frá lóðarhöfum lóðarinnar númer 4. Skipulags- og byggingarfulltrúa falið að ganga frá málinu.

Lagðar fram tillögur Skipulags- og byggingarfulltrúa að afmörkun lóða vestan Suðurgötu og sunnan Hlíðarstígs. Yfirlitsblað unnið af Tæknideild Sveitarfélagsins Skagafjarðar og á Stoð ehf. verkfræðistofu. Vinnuuppdráttur dags. 02.02.2016. Skipulags- og byggingarfulltrúa falið að gera tillögur að nýjum lóðarmörkum lóðanna og vinna drög að nýjum lóðarleigusamningum.

Sigurjón Þórðarson eigandi einbýlishúss sem stendur á lóðinni númer 13 við Skagfirðingabraut leggur fram fyrirspurn um byggingarleyfi til að byggja 50 til 60 m² bílskúr í norðaustur horni lóðarinnar. Fram kemur í erindinu að fyrirhuguð bílgeymsla yrði byggð í sama ”stíl“ og íbúðarhúsið og með sömu utanhússklæðningu. Skipulags- og byggingarnefnd óskar eftir nánari upplýsingum frá umsækjenda svo að hægt sé að taka afstöðu til erindisins.

Steingrímur Jónsson sækir fyrir hönd RARIK ohf. Kt. 520269-2669 um framkvæmdaleyfi til að leggja háspennustreng frá núverandi háspennustreng sem liggur nyrst á Gránumóum að nýju stöðvarhúsi Gönguskarðsárvirkjunar. Fylgjandi með umsókn er yfirlitsmynd móttekin af byggingarfulltrúa 2. febrúar 2016. Erindið samþykkt.

Sigurlína Kr. Kristjánsdóttir kt. 130158-3669 sækir 19. janúar sl. um leyfi til að byggja frístundahús í landi jarðarinnar Lunds í Fljótum, landnúmer 146852. Fram kemur í erindinu fyrirhuguð staðsetning hússins. Lundur í Stíflu er á hættusvæði C eins og það er skilgreint í reglugerð um hættumat vegna ofanflóða. Einungis er heimilt að reisa ný mannvirki á slíkum stöðum þar sem ekki er stöðug viðvera fólks. Ekki fylgir erindinu uppdráttur sem gerir grein fyrir fyrirhuguðum byggingarreit. Hann þarf að fylgja svo hægt sé að afgreiða erindið.

Ingi Friðbjörnsson og Skúli Ferdinandsson fh. Króksverks hf. Kt. 460482-0979, óska eftir að skila inn til sveitarfélagsins óbyggðri lóð sem er númer 6 við Borgarröst. Erindið samþykkt.

Málið áður á dagskrá og lagt fram til kynningar á 274 fundi skipulags -og byggingarnefndar 10.6.2015. í bréfi Umhverfisstofnunarinnar dagsettu 22. september 2015 er vakin athygli á því að lítil viðbrögð sveitarfélaga hafi orðið við fyrra bréfi og mikilvægi þess að byggingarfulltrúar fylgist með ólöglegum auglýsingarskiltum í viðkomandi sveitarfélögum og þess gætt að farið sé að gildandi lögum og reglum. Skipulags- og byggingarfulltrúa falið að svara erindinu.

Afgreiðslufundur byggingarfulltrúa, 20. fundur, haldinn 11. febrúar 2016 lagður fram til kynningar.