Deiliskipulag hafnarsvæðis á Sauðárkróki

Rædd var staða við deiliskipulagsgerð fyrir hafnarsvæði á Sauðárkróki og farið yfir drög að skipulagslýsingu frá árinu 2016.
Vinna er nú komin í gang að nýju við deiliskipulagsgerð fyrir hafnarsvæðið á Sauðárkróki og hefur Verkfræðistofan Stoð verið fengin til verkefnisins.
Stefnt er að sameiginlegum fundi umhverfis- og samgöngunefndar og skipulags- og bygginganefndar innan tíðar þar sem farið verður yfir deiliskipulagsvinnuna.

Sameiginlegur fundur skipulags- og bygginganefndar og umhverfis- og samgöngunefndar.
Undirbúningsvinna fyrir gerð endurskoðaðs deiliskipulags fyrir hafnarsvæðið á Sauðárkróki er hafin.
Farið var yfir ýmis fyrirliggjandi gögn vegna skipulagsgerðarinnar, m.a. drög að verklýsingu, drög að skipulagslýsingu frá 2016 og frumhugmyndir siglingasviðs Vegagerðarinnar að stækkun Sauðárkrókshafnar frá árinu 2014.
Í drögum að verklýsingu er stutt lýsing á viðfangsefnum endurskoðunar á skipulagi, nálgun skipulagsvinnunnar ásamt tímaáætlun.
Verkfræðistofan Stoð ehf á Sauðárkróki verður ráðgjafi Sveitarfélagsins við gerð deiliskipulagsins og sátu fulltrúar Verkfræðistofunnar fundinn.
Fyrirhugað er að halda fund með hagsmunaaðilum þar sem þeim verður gefinn kostur á að koma á framfæri sínum viðhorfum.

Sameiginlegur fundur skipulags- og bygginganefndar og umhverfis- og samgöngunefndar.
Undirbúningsvinna fyrir gerð endurskoðaðs deiliskipulags fyrir hafnarsvæðið á Sauðárkróki er hafin.
Farið var yfir ýmis fyrirliggjandi gögn vegna skipulagsgerðarinnar, m.a. drög að verklýsingu, drög að skipulagslýsingu frá 2016 og frumhugmyndir siglingasviðs Vegagerðarinnar að stækkun Sauðárkrókshafnar frá árinu 2014.
Í drögum að verklýsingu er stutt lýsing á viðfangsefnum endurskoðunar á skipulagi, nálgun skipulagsvinnunnar ásamt tímaáætlun.
Verkfræðistofan Stoð ehf á Sauðárkróki verður ráðgjafi Sveitarfélagsins við gerð deiliskipulagsins og sátu fulltrúar Verkfræðistofunnar fundinn.
Fyrirhugað er að halda fund með hagsmunaaðilum þar sem þeim verður gefinn kostur á að koma á framfæri sínum viðhorfum.

Haldin verður samráðsfundur með hagsmunaaðilum vegna nýs deiliskipulags Sauðárkrókshafnar fimmtudaginn 7. mars nk.
Hagsmunaaðilar hafa verið boðaðir á fundinn ásamt ráðgjöfum og fulltrúum umhverfis- og samgöngunefndar og skipulags- og bygginganefndar.
Drög að dagskrá fundarins voru lögð fyrir fundinn.

Fulltrúar frá Stoð verkfræðistofu komu til fundar við skipulags- og byggingarnefnd og umhverfis- og samgöngunefnd sem funduðu sameiginlega undir þessum dagskrárlið.
Farið var yfir vinnu við gerð nýs deiliskipulags fyrir hafnarsvæðið á Sauðárkróki og næstu skref í þeirri vinnu.

Fulltrúar frá Stoð verkfræðistofu komu til fundar við skipulags- og byggingarnefnd og umhverfis- og samgöngunefnd sem funduðu sameiginlega undir þessum dagskrárlið.
Farið var yfir vinnu við gerð nýs deiliskipulags fyrir hafnarsvæðið á Sauðárkróki og næstu skref í þeirri vinnu.

Lögð voru fram til samþykktar drög að skipulagslýsingu vegna deiliskipulags hafnarsvæðisins á Sauðárkróki. Drögin eru unnin af Verkfræðistofunni Stoð ehf. og eru dagsett 25.11.2019.
Umhverfis- og samgöngunefnd samþykkir framlögð drög að skipulagslýsingu og vísar til byggðarráðs.

Vinna við gerð deiliskipulags á hafnarsvæði á Sauðárkróki er komin vel áleiðis. Komið er að því að taka ákvarðanir um fráveitumál, orkumál, skipulag svæðis við smábátahöfn og breytingu á Eyrarvegi. Vegna skorts á gögnum verður ekki hægt að ljúka verkefninu með þeim hætti sem gert var ráð fyrir. Því leggur hönnunarhópurinn til að útgáfu deiliskipulagsins verði áfangaskipt þannig að eyrin bíði þangað til að nauðsynlegar upplýsingar berist.

Umhverfis og samgöngunefnd þakkar góða kynningu á stöðu verkefnisins. Næstu skref eru að taka ákvarðanir um kostnaðarsamar aðgerðir í fráveitumálum. Sviðsstjóra er falið að vinna áfram að málinu í samstarfi við nefndina og byggðarráð.

Farið yfir stöðu mála varðandi deiliskipulag hafnarsvæðis Sauðárkrókshafnar. Fundinn sátu fulltrúar frá Stoð verkfræðistofu, Eyjólfur Þórarinsson, Árni Ragnarsson og Björn Magnús Árnason, Dagur Þ. Baldvinsson yfirhafnarvörður, Steinn Leó Sveinsson sviðsstjóri veitu- og framkvæmdasviðs svo og formaður umhverfis- og samgöngunefndar Ingibjörg Huld Þórðardóttir og Guðlaugur Skúlason varaformaður.

Björn Magnús Árnason, Eyjólfur Þórarinsson og Árni Ragnarsson starfsmenn hjá verkfræðistofunni Stoð kynna nýtt deiliskipulag hafnarsvæðis á Sauðárkróki.

Nefndin samþykkir skipulagið og vísar málinu til umsagnar skipulags- og byggingarnefndar.

Skipulagsfulltrúi Rúnar Guðmundsson, Sigurður Ingvarsson starfsmaður skipulags- og byggingarfulltrúa, fulltrúar skipulags- og byggingarnefndar Einar Einarsson, Sveinn Úlfarsson, Álfhildur Leifsdóttir, Regína Valdimarsdóttir og Dagur Þór Baldvinsson hafnastjóri sátu þennan lið.

Björn Magnús Árnason, frá verkfræðistofunni Stoð kynnir deiliskipulag hafnarsvæðis á Sauðárkróki sem samþykkt var á fundi Umhverfis- og samgöngunefndar þann 21.6.2021. Smávægilegar breytingar hafa orðið í frekari vinnslu málsins.

Umhverfis- og samgöngunefnd þakkar Birni Magnúsi fyrir kynninguna.

Skipulagsstofnun hefur samþykkt deiliskipulag hafnarsvæðis á Sauðárkróki en formleg útgáfa skipulagsins er ekki lokið.

Umhverfis og samgöngunefnd fagnar því að þetta ferli sé á lokametrunum og að hægt verði að hefja framkvæmdir á mjög aðkallandi verkefnum á hafnarsvæðinu eins og uppbyggingu við smábátabryggju og við gatnagerð á Hesteyri og Vatneyri.