Umhverfis- og samgöngunefnd Svf Skagafjarðar

Fulltrúar frá Kiwanisklúbbnum Freyju, Sigurlaug Vordís Eysteinsdóttir og Sigríður Káradóttir, mættu á fundinn til að fara yfir hugmyndir klúbbsins um samstarf við Sveitarfélagið um uppbyggingu fjölskyldugarðs á Sauðárkróki.
Farið var yfir hugmyndir að staðsetningu fjölskyldugarðs og fyrirkomulag á samstarfi.
Nefndin fagnar frumkvæði Freyjanna og hlakkar til samstarfsins.

Fundargerðir Hafnasambands Íslands frá 18. janúar og 15. febrúar 2019 lagðar fram til kynningar.

Lögð voru fram til kynningar frumdrög að áhættumati fyrir Skagafjarðarhafnir.
Dagur Þór Baldvinsson, hafnarstjóri, fór yfir drögin.
Unnið verður áfram að gerð áhættumats og endanleg útgáfa lögð fyrir nefndina að nýju.

Haldin verður samráðsfundur með hagsmunaaðilum vegna nýs deiliskipulags Sauðárkrókshafnar fimmtudaginn 7. mars nk.
Hagsmunaaðilar hafa verið boðaðir á fundinn ásamt ráðgjöfum og fulltrúum umhverfis- og samgöngunefndar og skipulags- og bygginganefndar.
Drög að dagskrá fundarins voru lögð fyrir fundinn.

Lagt var fram erindi frá Guðlaugi Skúlasyni, varaformanni umhverfis- og samgöngunefndar, varðandi markaðssetningu Skagafjarðarhafna.
Í erindinu er lagt til að farið verði í sérstaka markaðssetningu á Skagafjarðarhöfnum með hafnarstjóra og þjónustuaðilum hafnarinnar í því skyni að nýta þá innviði sem fyrir eru sem best og festa Skagafjarðarhafnir í sessi sem fýsilegan kost til löndunar sjávarafla.
Nefndin felur hafnarstjóra að ræða við þjónustuaðila um aðkomu að kynningu og markaðssetningu Skagafjarðarhafna.

Farið var yfir samantekt á kostnaði vegna sorphirðu árið 2018.