Aðstaða fyrir blaðamenn á Sauðárkróksvelli

Stefán Vagn Stefánsson formaður byggðarráðs vék af fundi undir afgreiðslu þessa máls.

Lagt fram erindi frá knattspyrnudeild Ungmennafélagsins Tindastóls þar sem fram kemur að deildin hefur hug á að reisa aðstöðu fyrir blaðamenn á íþróttavellinum á Sauðárkróki á eigin kostnað. Meistaraflokkur karla mun leika í 1. deild á sumri komanda og búist er við töluverðri umfjöllun.

Byggðarráð samþykkir fyrir sitt leiti að aðstaðan verði byggð á kostnað Ungmennafélagsins Tindastóls, en erindið á eftir að fara fyrir skipulags- og byggingarnefnd og til umsagnar umsjónarmanns íþróttamannvirkja.

Nefndin þakkar þann dugnað og sjálfboðaliðsstarf íþróttahreyfingarinnar, sem hér felst í því að byggja og kosta aðstöðu fyrir blaðamenn á Sauðárkróksvelli. Áður hefur frjálsíþróttadeild Tindastóls byggt tímatökuskýli á vellinum og knattspyrnudeild Tindastóls áhorfendastúku í sjálfboðamennsku. Viðhald þeirra mannvirkja hefur ekki verið íþyngjandi fyrir sveitarsjóð. Starf sjálfboðaliða innan vébanda ungmenna-og íþróttahreyfingarinnar í Skagafirði verður seint fullþakkað.

Afgreiðsla 581. fundar byggðaráðs staðfest á 287. fundi sveitarstjórnar átta atkvæðum. Stefán Vagn Stefánsson tók ekki þátt í afgreiðslu málsins.