Umhverfis- og samgöngunefnd Svf Skagafjarðar

Ómar Kjartansson, eigandi Flokku ehf, kom á fund nefndarinnar og ræddi um flokkun á sorpi í dreifbýli.
Formanni falið að hafa samband við forsvarsmenn nemendagarða og Hólaskóla vegna flokkunar sorps á Hólum.
Ákveðið var að fara af stað með tilraunaverkefni í flokkun sorps í dreifbýli hið fyrsta. Sviðstjóra falið að kostnaðargreina verkefnið fyrir næsta fund.

Ákveðið að halda umhverfisdaga helgina 7.-9. júní þar sem íbúar verða hvattir til að hreinsa til í sínu umhverfi. Sveitarfélagið mun útvega ruslapoka sem sóttir verða 10. og 11. júní.
Sviðstjóra falið að auglýsa.

Frestað til næsta fundar.

Farið var yfir stöðu mála vegna fuglaskoðunarhúss við Áshildarholtsvatn. Leitað hefur verið sérfræðiálits vegna staðsetningar hússins og var niðurstaðan sú að heppilegasti staður fyrir fuglaskoðun sé við austur enda vatnsins. Búið er að ganga frá samningum við landeiganda vegna hússins og er stefnt á það að setja það niður fyrir lok mánaðarins.

Lagt til að halda kynningarfund um umhverfisvottun þar sem öllum sveitarstjórnarfulltrúum er boðið.

Opnun tilboða í útboðsverkið Skarðseyri Sauðárkróki - gatnagerð 2014 fór fram 7. maí síðastliðinn.
Fjögur tilboð bárust í verkið:

Nr. Nöfn bjóðenda Upphæð Hlutf. af áætlun
1 Norðurtak ehf. kr. 52.000.000,- 101%
2 Vinnuvélar Símonar ehf. kr. 49.952.250,- 97%
3 Fjörður ehf. kr. 53.121.150,- 103%
4 Steypustöð Skagafjarðar ehf. Kr. 49.056.750,- 95%
- Kostnaðaráætlun, Stoð ehf. kr. 51.451.000,- 100%

Samþykkt að hálfu nefndarinnar að ganga til samninga við lægstbjóðanda vegna verksins.

Sigríður Magnúsdóttir vék af fundi meðan á afgreiðslu málsins stóð.

Hrefna Gerður Björnsdóttir, fulltrúi Frjálslyndra- og óháðra leggur fram tillögu um að útbúinn verði sérstakur hundagarður/ar í Sveitarfélaginu Skagafirði í ljósi þess mikla fjölda hundaeigenda í sveitarfélaginu. Á síðustu árum hefur þeim fjölgað mikið en ekkert skilgreint svæði er til í sveitarfélaginu sem leyfir lausagöngu hunda. Önnur sveitarfélög hafa í stigvaxandi mæli verið að útbúa slík svæði, bæði stór og smá. Gott væri að hafa innan bæjarmarka lítið afgirt svæði en einnig væri sniðugt að hafa stærra svæði sem gæti þá verið utan bæjarmarka.
Nefndin tekur jákvætt í erindið og óskar eftir áliti skipulags- og bygginganefndar á svæðinu fyrir ofan Hlíðarhverfi.