Skipulags- og byggingarnefnd

Aðalskipulag Skagafjarðar 2009-2021. Kynningarfundur haldinn í félagsheimilinu Ljósheimum fyrir sveitarstjórnarfólk og nefndarfulltrúa vegna vinnu við gerð aðalskipulags fyrir Sveitarfélagið Skagafjörð. Auk nefndar- og starfsmanna voru mættir ráðgjafarnir Páll Zóphóníasson frá Lendisskipulagi, Sigríður Droplaug Jónsdóttir VSÓ Ráðgjöf og Eyjólfur Þór Þórarinsson frá Stoð ehf.verkfræðistofu. Að loknum inngangsorðum Einars E. Einarssonar formanns skipulags ? og byggingarnefndar tók Páll Zóphóníasson til máls og kynnti Aðalskipulagstillöguna, fór yfir tillögur og markmið og útskýrði þann lagaramma sem aðalskipulag byggir á. Sigríður Droplaug gerði grein fyrir helstu atriðum umhverfisskýrslu sem er hluti aðalskipulagstillögunnar. Gerð var grein fyrir bréfi Skipulagsstofnunar frá 3. apríl sl. og þeim leiðréttingum og breytingum sem gerðar hafa verið á tillögunni vegna þess. Að því loknu var orðið gefið laust og svöruðu ráðgjafar og nefndarmenn fyrirspurnum úr sal. Fleira ekki gert. Formaður sleit fundi og þakkaði fundarmönnum öllum góða fundarsetu.