Skipulags- og byggingarnefnd

Þórdís Friðbjörnsdóttir og Einar Einarsson settu fund og buðu fundarmenn velkomna. Sérstaklega Árna Ragnarsson ráðgjafa. Fundurinn er sameiginlegur fundur Umhverfis-og samgöngunefndar og Skipulags-og byggingarnefndar varðandi deiliskipulag Sauðárkrókshafnar. Árni Ragnarsson fór yfir skipulagstillöguna og drög að greinargerð eins og hún liggur fyrir. Miklar umræður urðu um tillöguna. Samþykkt að gatnamót Strandvegar og Sætúns verði leyst sem T gatnamót. Ákveðið að óska eftir fundi með forsvarsmönnum fyrirtækjanna á svæðinu áður en lokatillaga verður afgreidd. Nú yfirgaf umhverfis-og samgöngunefnd af fundi en skipulags- og byggingarnefnd hélt áfram störfum

Ólafur Elliði Friðriksson kt. 0309574749, fyrir hönd Kaupfélags Skagfirðinga kt. 680169-5009 sækir  með bréfi dagsettu 18. janúar sl., um leyfi til að breyta útliti iðnaðarhúss sem stendur á lóðinni nr. 2 við Hesteyri á Sauðárkróki. Breytingin varðar frágang á suðurvegg Vélaverkstæðis KS, vegg milli brunasamstæðna. Erindið samþykkt.

Höskuldur Þórhallsson kt. 121254-2049 þinglýstur eigandi lóðarinnar Tunguháls I land 146241 sækir með bréfi dagsettu 24. október sl., um leyfi skipulags-og byggingarnefndar og Sveitarstjórnar Skagafjarðar til að nefna lóðina og hús með fastanúmerið 232-0345 sem á lóðinni  stendur Ármót.  Erindið samþykkt.

Magnús Bragi Magnússon kt. 111069-5739, þinglýstur eigandi jarðarinnar Íbishóls landnr. 146044, sækir með bréfi dagsettu um heimild til að skipta 41.482,0 m² lóð, (landnr, 219047), úr landi jarðarinnar Íbishóls.  Framlagður hnitsettur yfirlits-og uppdráttur dags. 16. desember 2009, gerður á Stoð ehf. verk­fræðistofu af Atla Gunnari Arnórssyni. Númer uppdráttar er S-101 í verki nr. 7457-1. Lögbýlaréttur og öll hlunnindi munu áfram tilheyra Íbishóli, landnr. 146044. Fylgiskjöl með umsókn. Eignayfirlýsing dagsett 17.12.2009, yfirlýsing um ágreiningslaus landamerki dagsett 13.01.2010 og  yfirlýsing um ágreiningslaus landamerki dagsett 16.01.2010. Erindið samþykkt eins og það er fyrir lagt.