Skipulags- og byggingarnefnd

Aðalskipulag Skagafjarðar.  Fundur haldinn á Kaffi Krók 3.12.2009 og hófst hann kl. 10,00.

Einar Einarsson setti fund og bauð fundarmenn velkomna, sérstaklega Pál Zóphóníasson ráðgjafa frá Lendisskipulagi, Stefán Gunnar Thórs frá VSÓ verkfræðistofu, Eyjólf Þ. Þórarinsson og Elvar Inga Jóhannesson frá Stoð ehf. Verkfræðistofu. Komu þeir á fund nefndarinnar vegna vinnu við Aðalskipulag Skagafjarðar 2009-2021.

Farið var yfir 5. tillögu að Aðalskipulagi Skagafjarðar sem send var Skipulagsstofnun til umsagnar þann 10. september  sl. og þær athugasemdir sem Skipulagsstofnun gerði við tillöguna og fram koma í bréfi Skipulagsstofnunar frá 6. nóvember sl.

Skipulags- og byggingarnefnd samþykkir  að bregðast við bréfinu og samþykkti tillögu að nýrri greinargerð  skv. 9. gr. laga um mat á umhverfisáhrifum og á að birtast í kafla 4.24 í greinargerðinni.

Til þess að bregðast við öðrum athugasemdum samþykkti skipulags- og byggingarnefnd ennfremur að gera leiðréttingar á texta greinargerðarinnar og bæta við öðrum og skrásetja í fundargerð þessa.

Fundargerðin verðu fylgiskjal með Aðalskipulaginu og bætt inn í hefti með fylgiskjölum sem fylgdi 5. tillögu.

Samantekt á því hvernig umhverfissjónarmið hafa verið felld inn í skipulagsáætlunina

Í samræmi við 9. gr. laga nr. 105/2006 um umhverfismat áætlana leggur Sveitarfélagið Skagafjörður fram samantekt á því hvernig umhverfissjónarmið hafa verið felld inn í skipulagsáætlunina, hvernig höfð hefur verið hliðsjón af umhverfisskýrslu og athugasemdum sem bárust á kynningartíma við tillögu og umhverfisskýrslu og rökstuðningur fyrir endanlegri áætlun, í ljósi þeirra valkosta sem skoðaðir voru.

Í vinnu að gerð aðalskipulags Sveitarfélagsins Skagafjarðar var lögð á áhersla á samanburð valkosta fyrir sorpförgunarsvæði, samgöngur, iðnaðar- og hafnarsvæði í Viðvíkursveit. Í kjölfar athugasemda við tillögu að aðalskipulagi Sveitarfélagsins Skagafjarðar og drög að umhverfisskýrslu var bætt við valkostum til skoðunar og farið yfir þau umhverfissjónarmið sem fram komu um stefnu Sveitarfélagsins um landnotkun.

Sorpförgun

Við vinnslu aðalskipulagsins voru umhverfissjónarmið tekin til greina við mat á valkostum en þeir voru sorpförgunarsvæði við Brimnes í Viðvíkursveit og sorpförgunarsvæði utan Skagafjarðar. Stefna aðalskipulagsins um sorpförgun er talin hafa áhrif á umhverfið að því leyti að óbrotið land er tekið undir nýtt sorpförgunarsvæði, sem mun skera sig verulega úr náttúrulegu landslagi og hafa áhrif á ásýnd svæðisins sem er að hluta til útivistarsvæði til sérstakra nota. Einnig eru líkleg samlegðaráhrif af uppbyggingu iðnaðar á landslag og ásýnd.

Sorpförgun hefur neikvæð áhrif sama hvar hún verður staðsett. Auk ofangreindra áhrifa hefur hún áhrif á lykt og hugsanlega aðra landnotkun, eins og kom fram í athugasemdum. Það mun hafa minnst neikvæð áhrif á Sveitarfélagið Skagafjörð að staðsetja sorpförgun utan sveitarfélagsins eins og hugsanlegt er að verði skv. Svæðisáætlun um meðhöndlun úrgangs 2007-2020 og er sveitarfélagið fylgjandi þeirri stefnu, eins og kemur fram í kafla 4.10.3. Það er þó mikilvægt að mati Sveitarfélagsins Skagafjarðar að þar til sameiginleg sorpförgun fyrir Norðurland Vestra verði endanlega ákveðin, hafi Sveitarfélagið Skagafjörður sett fram á skipulagi hvar þess háttar starfsemi yrði staðsett í sveitarfélaginu. Eftir athugasemdir íbúa við staðsetningu sorpförgunarsvæðis var farið yfir staðarval og umfang helstu áhrifa. Einnig var lagt mat á hvort að áhrif yrðu á menningarminjar, en þeim stendur ekki ógn af fyrirhuguðu sorpförgunarsvæði þar sem skráðar menningarminjar liggja utan þess. Það er stefna sveitarfélagsins að ef og þegar ákvörðun og rekstrarfyrirkomulag sameiginlegs sorpförgunarsvæðis liggur fyrir mun landnotkun um sorpförgun við Brimnes víkja og felld út af aðalskipulagsáætlun Sveitarfélagsins Skagafjarðar.

Til að bregðast við athugasemdum um sorpförgunarsvæði hefur Sveitarfélagið Skagafjörður lagt fram ákveðin skilyrði fyrir sorpförgunarsvæðinu sem ætlað er að tryggja að neikvæð umhverfisáhrif verði sem minnst. Þessi skilyrði eru:

Í mati á umhverfisáhrifum mögulegs sorpförgunarsvæðis skal áhersla lögð á loftgæði, landslag, lífríki og landnotkun og þá fyrst og fremst útivist og landbúnað.

Í deiliskipulagi skal taka tillit til menningarminja í grennd við fyrirhugað sorpförgunarsvæði, og að lögð sé áhersla á að takmarka fok frá sorpförgunarsvæði og sjónræn áhrif þess.

Þegar upplýsingar úr mati á umhverfisáhrifum og deiliskipulagi liggja fyrir verði gerð áætlun um vöktun og mótvægisaðgerðir vegna ofangreindra áhrifa og vöktun, eftir því sem þurfa þykir.

Iðnaðar- og hafnarsvæði

Við mat á áhrifum stefnu aðalskipulagsins um iðnaðar- og hafnarsvæði í Viðvíkursveit var litið til samfélags, lífríkis, strandlengju, landslags, landrýmis, jarðefnanotkunar og jarðfræði. Stefnan er talin hafa neikvæð áhrif á lífríki, landbúnaðarland, landslag og veruleg neikvæða áhrif á útivistarsvæði, ef ekki verði gripið til ákveðinna aðgerða við uppbyggingu iðnaðar. Einnig mun strandlengjan breytast með tilkomu nýs hafnarsvæðis. Hins vegar er stefnan í aðalskipulaginu talin hafa veruleg jákvæð áhrif á samfélag Sveitarfélagins Skagafjarðar og vera nauðsynlegur grundvöllur fyrir atvinnu og jákvæða byggðaþróun á skipulagstímabilinu.

Sveitarfélagið hefur við val á staðsetningu iðnaðar- og hafnarsvæðis gætt þess að vera utan verndarsvæða, að hafa ákveðna fjarlægð frá þéttbýli, til að draga úr hugsanlegum hagsmunaárekstrum og að nýta auðlindir og staðhætti sveitarfélagsins til atvinnuuppbyggingar. Ákveðin óvissa er um eðli áhrifa vegna iðnaðarsvæðis, þar sem ekki liggja fyrir upplýsingar um hvers konar iðnað verður að ræða. Við ákvörðun um staðsetningu var litið til ofangreindra umhverfissjónarmiða, en það er mat Sveitarfélagsins Skagafjarðar að hagsmunir og ávinningur af stórfelldri atvinnuuppbyggingu vegi þyngra en möguleg neikvæð áhrif á umhverfið. Jafnframt eru sett skilyrði til að draga úr neikvæðum áhrifum:

Við uppbyggingu iðnaðar- og hafnarsvæða beri að leita leiða til að draga úr hugsanlega neikvæðri ásýnd iðnaðarsvæðis og takmarka áhrif á útivistarsvæði.

Ef áform um iðnað eru háð lögum um mat á umhverfisáhrifum skal í matsvinnu leggja áherslu á ásýnd, loftgæði, hávaða og áhrif á aðra landnotkun.

Þegar ítarlegri upplýsingar liggja fyrir um framkvæmdir og hugsanleg áhrif skal leggja fram áætlun um vöktun og mótvægisaðgerðir.

Samgöngur

Umfjöllun um stefnu skipulagsins um samgöngur hefur m.a. snúist um tengingar Skagafjarðar við aðliggjandi sveitarfélög til að stækka og styrkja atvinnu- og þjónustusvæði, m.a. í samræmi við byggðaáætlun. Athugasemdir um stefnu skipulagsáætlunarinnar í samgöngumálum bárust frá Vegagerðinni, Leið ehf. og íbúum í Fljótunum. Í kjölfar þess voru bornir saman staðarvalkostir jarðganga milli Fljóta og Siglufjarðar, ásamt núll kosti. Tilgangur þessara framkvæmda er fyrst og fremst sá að stækka þjónustu- og atvinnusvæði Skagafjarðar, sem er talið mikilvægt samhliða uppbyggingu iðnaðar í Viðvíkursveit og því kemur 0-kostur ekki til greina. Í samanburði á ofangreindum valkostum jarðganga er niðurstaðan að neikvæð áhrif þeirra eru ekki veruleg eða frábrugðin, miðað við fyrirliggjandi gögn. Þá ber að geta þess að áformuð jarðgöng eru í samræmi við tillögu að aðalskipulagi Fjallabyggðar 2003-2023. Sveitarfélagið Skagafjörður telur því ekki ástæðu til að breyta staðsetningu ganganna frá því sem áður hefur verið kynnt.

Vegna legu Hringvegar voru tillögur Vegagerðarinnar, Leiðar ehf. og stefna Sveitarfélagsins Skagafjarðar bornar saman. Við vinnslu aðalskipulagsins voru umhverfissjónarmið tekin til greina við mat á áðurnefndum valkostum. Líklegt þykir að tillögur Vegagerðarinnar og Leiðar ehf. muni stuðla að bættu umferðaröryggi þar sem umferð er beint frá þéttbýli. Hins vegar munu ný vegstæði liggja að einhverju leyti um mýrlendi og ræktað land. Einnig mun nýr vegur vera nokkuð áberandi enda mun hann liggja þvert yfir Skagafjörð. Ekki er marktækur munur á umhverfisáhrifum tillögu Leiðar ehf. og Vegagerðarinnar. Með breytingu á legu Hringvegar, samkvæmt tillögum Vegagerðarinnar og Leiðar ehf., fellur Varmahlíð úr leið, en hún er mikilvæg þjónustumiðstöð fyrir íbúa í suðurhluta sveitarfélagsins. Leiða má líkur að því að ef hún fellur úr alfaraleið er líklegt að ekki verði rekstrargrundvöllur fyrir þeirri þjónustu og verslun sem er í dag. Slíkt gengur þvert á stefnu sveitarfélagsins.

Á meðan ekki liggja fyrir áætlanir hvernig unnt verði að tryggja þjónustu og verslun í þessum hluta sveitarfélagsins og samanburð við lagfæringu á Hringveginum um Varmahlíð m.t.t. umferðaröryggis, mun Sveitarfélagið Skagafjörður ekki breyta legu Hringvegarins. Sveitarfélagið mun í kjölfar staðfestingar á aðalskipulaginu leita samráðs við Vegagerðina um undirbúning að endurskoðun á stofnvegakerfi sveitarfélagsins.

Vöktun og mótvægisaðgerðir

Vöktun helstu neikvæðra áhrifa verði liður í hefðbundinni skipulagsvinnu við reglulega endurskoðun aðalskipulags, þar sem lagt er mat á þróun umhverfisþátta frá fyrra skipulagi.

Í tengslum við fyrirhugaðan iðnað og sorpförgun í Viðvíkursveit, mun Sveitarfélagið Skagafjörður gera kröfu um vöktun og mótvægisaðgerðir í samræmi við upplýsingar sem fram koma í mati á umhverfisáhrifum, deiliskipulagi og leyfisumsóknum. 

Einnig mun sveitarfélagið hafa umfjöllun umhverfisskýrslu til hliðsjónar og gæta mögulegra áhrifa vegna nálægðar iðnaðarsvæðis og sorpförgunarsvæðis við útivistarsvæði. Lögð verður áhersla á að viðkomandi aðilar grípi til viðeigandi mótvægisaðgerða.

Þar sem framkvæmd aðalskipulagsins kemur ekki til með að raska votlendissvæðum er ekki talin þörf á sérstökum aðgerðum um endurheimt votlendis. En vegna mikilvægis þessara svæða leggur Sveitarfélagið Skagafjörður áherslu á að ef framkvæmdir komi til með að raska votlendi, skal meta raunhæfi þess að endurheimta votlendi á þeim votlendissvæðum sem talin eru upp í kafla 2.8.3.3. Með því móti er á kerfisbundinn hátt hægt að endurheimta votlendi í sveitarfélaginu í stað þess sem kann að raskast við framkvæmdir.

Eftirfarandi breytingar og lagfæringar gerðar við greinargerðina :

Forsíða " Merkingin 5. Tillaga" feld út og dagsetning greinargerðar verður Desember

Fremst í greinargerð er undirskriftarblað. Aftan við aðra málsgrein komi: "Ennfremur upplýsingakort 3.9.1-1 sem sýnir Vegakerfið og tillögur til umræðu."

Í efnisyfirlit komi kaflarnir 1.10-1.12.

Kafli 1.8 Fylgiskjöl með tillögu ?Texti fellur út þ.e fyrsta  setning

Viðbótartexti komi inn aftast:Ennfremur upplýsingakort 3.9.1-1 sem sýnir Vegakerfið.

Kafli 1.11 Afgreiðsla 5. Tillögu

Bókun vegna erinda Golfklúbb Sauðárkróks frá 26. júní 2009 og Geir Eyjólfssyni vegna reiðleiða  frá 16. júlí vantar  í kafla 1.11, þar sem erindinu er vísað til endurskoðunar Aðalskipulags Sauðárkróks.

Nýr kafli 1.12 (Breyttur kafli) Athugasemdir við 5. tillögu.

Kemur vegna athugasemda Skipulagsstofnunar,samanber bréf frá 6. nóvember 2009,  helstu punktar verða taldir upp í réttri röð hér á eftir, stuðst er við númer í 4. kafla greinargerðarinnar, eins og hún var send  Skipulagsstofnun.

Nýr kafli 1.13 Niðurlag (nýtt númer og kaflinn færist til ). Leiðréttur í samræmi við stöðu mála.

Breytingar á forsendum, 2. kafli Náttúrufar og 3.kafli Byggð.

2.8.1 Almennt (Minjar og vernd). Felld verði út síðasta málsgreinin og inn komi í staðinn: Vakin er athygli á fornleifaskrám sem nefndar eru í kafla 4.20.3 í greinagerð.

3.9.1 Vegakerfið og umferð.

Önnur málsgrein fellur út. Inn komi, Vísað í 2. málsgrein 4.16.3.1. Vegir.

4.0.5.1 Sveitarfélagsuppdráttur, breytingar á uppdrætti(texti um breytingar komi i viðeigandi köflum)

Á Sveitafélagsuppdrætti verður verndarsvæði Svæðisskipulags miðhálendisins, annað en svæði á náttúruminjaskrá, hverfisverndarsvæði.

Veggöng milli Hjaltadals og Hörgársdals felld út úr skipulaginu.

Óviss Sveitarfélagamörk eru merkt sem óviss mörk .(Sveitarfélagsmörk að Skagabyggð, Sveitarfélaginu Skagaströnd, Blönduósbæ og að hluta að Fjallabyggð)

Afmörkun Akrahrepps hefur verið fjarlægð af uppdrættinum.

Stofnvegur í norðanverðum Fljótum merktur sem slíkur.

Landsvegir upp á miðhálendið merktir sem slíkir.

Texti viðbót:. Á sveitarfélagsuppdrætti eru óviss sveitarfélagamörk merkt sérstaklega.

4.0.5.2    Þéttbýlisuppdrættir, breytingar á uppdráttum(texti um breytingar komi i viðeigandi köflum)

Sauðárkrókur: Blár rammi utan um opið svæði U-3.8 fjarlægður

Hólar: Blönduðu svæði (stofnun-verslanir og þjónusta) breytt í þjónustustofnanasvæði, Þ-4.1.

Hólar: Blönduðu svæði (íbúðabyggð og stofnanir) breytt í íbúðabyggð, ÍB-4.2.

Hólar: Svæði merkt ÍB-4.3 tengd saman.

Hólar: Þjónustusvæði Þ-4.1 stækkað til norðvesturs ? sameinað öðrum þjónustusvæðum á því svæði.

Varmahlíð: Iðnaðarsvæði I-5.1 stækkað með nýrri lóð undir borholuhús..

4.1.3.2 ? Texti fellur út ? "sjá fylgiskjal 3.1" og "sjá fylgiskjal 3.2" Þá verði síðasta málsgreinin, "Ákvæði í gildandi  aðalskipulagi haldi gildi sínu nema annað sé tekið fram" felld út.

4.1.3.3- - Texti fellur út -"sjá fylgiskjal 4.1" -"sjá fylgiskjal 4.2" og "sjá fylgiskjal 4.3" Þá verði síðasta málsgreinin, "Ákvæði í gildandi  aðalskipulagi haldi gildi sínu nema annað sé tekið fram" felld út.

4.1.3.4         Texti fellur út--"sjá fylgiskjal 5.1" -"sjá fylgiskjal 5.2" og "sjá fylgiskjal 5.3" Þá verði síðasta málsgreinin, "Ákvæði í gildandi  aðalskipulagi haldi gildi sínu nema annað sé tekið fram" felld út.

4.1.3.5         Texti fellur úr--"sjá fylgiskjal 6.1"  Þá verði síðasta málsgreinin, "Ákvæði í gildandi  aðalskipulagi haldi gildi sínu nema annað sé tekið fram" felld út.

4.1.4.1 Almennt um þéttbýlisstaði, verði bætt við setningunni :

"Við endurskoðun á aðalskipulagi þéttbýlisstaðanna hefur ávalt verið tekið mið af ákvæðum í núverandi aðalskipulögum og þau yfirfærð í tillögurnar nema annað sé tekið fram." Setningin komi fremst í kaflann.

4.1.4.4 Hólar  texti fellur út--merktum fylgiskjal  4.2 og 4.3

4.1.4.5 Varmahlíð  texti fellur út-- merktum fylgiskjal  5.2, 5.3 og 5.4.

4.2.3 íbúðir og íbúðarsvæði  texti út- "Ákvæði í gildandi  aðalskipulagi haldi gildi sínu  eftir staðfestinguna nema annað sé tekið fram" felld út.

4.2.5.4 Hólar leiðrétta stærðir  íbúðarsvæði ÍB-4.2, Svæðið stækkað og sameinað áður blönduðu svæði. Nyrst í svæðinu eru eldri útihús og vélageymsla   ÍB-4,2: F=5,76ha.  ÍB-4.3: F=1,48ha.

4.3.3.5 Skólar og starfssvæði ? fyrsta setningin falli niður" Skólaskrifstofa hefur starfað í Skagafirði frá því fyrir sameiningu sveitarfélaganna og bæði skagfirsku sveitarfélögin standa að rekstri skrifstofunnar"

4.3.4.-1 Sveitarfélagsuppdráttur ? Engar tillögur eru um nýjar þjónustustofnanir fyrir utan þéttbýli og engar eða óverulegar framkvæmdir áformaðar á núverandi þjónustusvæðum.

4.3.5.4 Hólar í Hjaltadal Þ4.1 leiðrétta stærð 1,4 verður 4,4 ha, Svæðið stækkað og sameinað áður blönduðu svæði

4.4.3-1 Miðsvæði: "Ákvæði um miðsvæði í gildandi aðalskipulögum haldi gildi sínu"- fellur út og í staðin  komi:  "Enginn miðsvæði á sveitarfélagsuppdrætti".  

4.5.5. 1-6 Stærðir svæða settar inn  í greinagerðina.

4.6.3.-1. Athafnasvæði..breyting athafnasvæði utan þéttbýliskjarna eru ekki í fyrirliggjandi tillögu.

4.6.5.-1.  Sveitarfélagsuppdráttur. Breyting . Enginn athafnasvæði eru utan þéttbýliskjarnana.

4.7.4    1. Sveitarfélagsuppdráttur (. í kafla 4.7.4  Rökstuðningur fyrir ný  iðnaðar- og hafnarsvæði:  

Iðnaðarsvæði fyrir umsvifamikil og stór fyrirtæki verði í Viðvíkursveit, milli Skollaness og Karlsness, á nesjunum sjálfum og á Skarðsmóum og á Reykjaströnd, norðan við Sauðárkrók. Sveitarfélagið telur að einn af grundvallarþáttum til að byggja upp öflugt samfélag og virkt atvinnuumhverfi, sé að nýta staðhætti og auðlindir í sveitarfélaginu. Iðnaðarsvæði í Víðvíkursveit er í samræmi við þessu stefnu, þar sem gert er ráð fyrir rýmisfrekum og mannaflafrekum iðnaði. Gert er ráð fyrir að stóriðja nýti orku frá þeim orkuvinnslusvæðum sem eru innan sveitarfélagsins.

4.7.4- 8. bæta inn texta..." minni en 200 Kw"

4.7.5.   1 Sveitarfélagsuppdráttur-landstærðir  setja inn í greinagerðina.

4.7.5.3 I-3.2 Breytt landnotkunartexta í samræmi við reglugerð.

4.8.5.-1. Sveitarfélagsuppdráttur -  stærðir færðar  inn.

4.9.3    Jarðefnanámur ? bætt inn texta um að námur hafi leyfi og að ekki liggi fyrir upplýsingar um hvar hráefni til hafnargerðar í Viðvíkursveit verði tekið

4.9.5    Aðalskipulagsuppdráttur, efnistökusvæði

3.Sauðárkrókur           

Viðbót: E-3.1: F=12,5ha sem skiptist í hálffrágengið 9,2 ha og svæði í vinnslu sem er 3,3 ha

4.10.3 Sorpförgunarsvæði, urðunarsvæði.

Settur inn texti um að fyrir liggi ótímabundið starfsleyfi urðunarstaðar á Skarðsmóum  útg. 7. des. 1987.

4.10.4.-2 þessi texti út " liggi fyrir við lokatillögu að aðalskipulagi Skagafjarðar"

4.11.3  Svæði fyrir frístundabyggð

Viðbót:."Skilgreining skála í Svæðisskipulagi miðhálendisins ?

Hálendismiðstöðvar

Hálendismiðstöðvar eru þjónustumiðstöðvar ferðamanna í nánd við aðalfjallvegi hálendisins og tengjast alhliðaferðamennsku. Engin Hálendismiðstöð er skilgreind í Svæðisskipulagi miðhálendisins innan marka Sveitarfélagsins Skagafjarðar.

Skálar

Skálar eru staðir í góðu sambandi við vegakerfi en þjónustustig jafnan lægra en á hálendismiðstöðvum. Gistiskálar sem þjóna breiðum hópi ferðamanna, þar á meðal veiðimönnum,göngufólki, og hestamönnum, en mörg þessara húsa eru jafnframt gagnamannahús. Á skálasvæðum er gert ráð fyrir að nokkur hús kunni að verða byggð að undangengnu deiliskipulagi. Eitt svæði er skilgreint sem slíkt í Svæðisskipulagi miðhálendisins innan marka Sveitarfélagsins Skagafjarðar.

Ingólfsskáli við Lambafell. Skálinn stendur vestan Ásbjarnarfells og er í eigu Ferðafélags Skagfirðinga, gistirými fyrir 40 manns. Skálinn er jafnframt nýttur sem gagnamannaskáli og er vinsæll áningarstaður í vetrarferðum.

Fjallasel

Fjallasel eru hús í takmörkuðu eða engu vegasambandi. Um fjallasel gildir, eins og um miðstöðva- og skálasvæði að þau eru opin fyrir almenningi. Reiknað er með að fjögur fjallasel geti risið í Skagafirði meðfram gönguleið umhverfis Hofjökul. Tvö svæði eru skilgreind sem slík í Svæðisskipulagi miðhálendisins innan marka Sveitarfélagsins Skagafjarðar.

Skiptabakki er gagnamannahús inn af Goðdaladal, á austurmörkum Hrauna og er í eigu Upprekstarfélags Eyvindarstaðaheiði.

Almennt um byggingarmál á Miðhálendinu

Eins fram kemur hér að framan eru þjónustusvæði ferðamann og aðrir uppbyggingastaðir skilgreind sem byggingarsvæði sem skal deiliskipuleggja áður en framkvæmdir hefjast. Allar byggingar sem rísa munu á hálendinu, eiga að uppfylla kröfur um hagkvæmni, tæknilega gerð og fagurfræðilegt útlit. Gera verður grein fyrir förgun sorps og frárennslis áður en ráðist er í framkvæmdir,Engin mannvirki má byggja nema byggingarleyfi liggi fyrir. Mat á umhverfisáhrifum þarf að liggja fyrir áður en mannvirki vegna ferðaþjónustu á Miðhálendinu verður reist.

Önnur mannvirki

Önnur mannvirki eru hús sem ekki nýtast í þágu ferðamanna og eiga það sameiginlegt að vera ekki opin til almennra ferðaþjónustu.

Skúr Landsvirkjunar við Orravatnsrústir.

4.11.4.-3    Viðbótartexti "og skilmálum sem þar koma fram"  

4.11.4.-4 .. Viðbótartexti  "og í samræmi við skilmála í lið 3 hér að framan"

4.11.4-2.-3. Hofsós,  texti um að breyta íbúðum fellur út

4.11.5-6  Stærðir svæða færð  inn

6. Steinsstaðir, stærðir svæða færðar inn í texta.

4.12.5 Aðalskipulagsuppdráttur, opin svæði til sérstakra nota  stærðir svæða færðar inn.

3. Sauðárkrókur stærðir svæða færðar inn í texta.

6. Steinsstaðir stærðir svæða færðar inn í texta.

4.14.4 Tillögur, landbúnaðarsvæði

4.14.4- 8. Eftirfarandi fellur út aftan af setningu ............." fyrir fyrirtæki í öðrum greinum en landbúnaði eða fyrir stofnanir sem slík starfsemi kann að henta".

4.14.4- 10.  Eftirfarandi fellur út aftan af setningu ........ "þótt þau tengist ekki landbúnaði."

4.14.4- 11  Nýr texti:  Heimilt verði að byggja litlar vatnsaflsvirkjanir, minni en 200 kw til staðbundinnar framleiðslu og sölu inn á almenn veitukerfi.

4.14.5. Aðalskipulagsuppdráttur landbúnaður stærðir svæða færðar inn í texta.

4. Hólar í Hjaltadal stærðir svæða færðar inn í texta.

4.16.3.1 Vegir.textabreyting  leiðrétt standi héraðsvegi í stað safnvegi.

 og setningin  "Landsvegir eru færri en áður" ? fellur út og í stað komi  "Landsvegir eru tveir upp á hálendið úr Vesturdal og fram Mælifellsdali"

4.16.4 Tillögur, samgöngur

4.16.4- 7. Tillaga um ný veggöng úr Hjaltadalnum fellur út

4.16.4- 8. Texti um að tillaga um nýjan veg í Viðvíkursveit falli út

4.16.4 -9 og -10  Númer breytast

4.16.5  Aðalskipulagsuppdráttur skipulagstillögunnar, samgöngur

4.16.5.0-5-Varmahlíð

4.16.5.0.5.2  Vegtenging að Lundi fellur út