Skipulags- og byggingarnefnd

Fyrir fundinum liggur byggingarleyfisumsókn dagsett 22. júní 2016 vegna stækkunar á bílahúsi Mjólkursamlags KS á lóðinni. Óskað er eftir að byggingarleyfisumsóknin verði tekin fyrir á grundvelli gildandi deiliskipulags, eins og það er orðað í umsókninni. Umsókninni fylgir aðaluppdráttur gerður á Stoð ehf. verkfræðistofu af Magnúsi Ingvarssyni, kt. 171160-3249. Númer uppdrátta eru A-100, A-101 og A-102 í verki 5317, dags. 11. maí 2016.
Skipulags- og byggingarnefnd áréttar að fyrirhuguð bygging sé ekki í samræmi við fyrirliggjandi deiliskipulag. Ný tillaga að deiliskipulagi lóðanna Skagfirðingabraut 51 og Ártorg 1 er nú í auglýsingarferli samkvæmt skipulagslögum nr 123/2010.
Af ofangreindum ástæðum frestar skipulags- og byggingarnefnd afgreiðslu málsins þar til nýtt staðfest deiliskipulag liggur fyrir.

Halldór Gunnlaugsson þinglýstur eigandi að jörðinni Ríp 3 í Hegranesi (landareign 146397) sækir um leyfi til að stofna byggingarreit fyrir gestahúsi á landi jarðarinnar. Byggingarreiturinn er sýndur á meðfylgjandi afstöðuuppdrætti sem gerður er af Sólveigu Olgu Sigurðardóttur kt: 311273-3109. Uppdrátturinn ber heitið Ríp 3, Hegranesi 146397, Afstöðumynd byggingarreits Gestahús 1. Dagsetning uppdráttar 04.07.2016. Einnig er í umsókninni óskað eftir byggingaleyfi fyrir gestahúsi á byggingarreitnum. Umsögn Minjavarða Norðurlands vestra liggur fyrir. Minjastofnun Íslands samþykkir byggingarreit sem sýndur er á uppdrætti og dagsettur er 04.07.2016, en fer fram á að fornleifaeftirlit fari fram þegar tekið er fyrir grunni hússins. Skipulags- og byggingarnefnd samþykkir framlagðan afstöðuuppdrátt með fyrrgreindum skilyrðum minjavarðar.

Afgreiðslufundur byggingarfulltrúa, 28. fundur, haldinn mánudaginn 6. júní 2016, lagður fram til kynningar.

Afgreiðslufundur byggingarfulltrúa, 29. fundur, haldinn miðvikudaginn 15. júní 2016, lagður fram til kynningar.

Afgreiðslufundur byggingarfulltrúa, 30. fundur, haldinn föstudaginn 24. júní 2016, lagður fram til kynningar.

Afgreiðslufundur byggingarfulltrúa, 31. fundur, haldinn miðvikudaginn 29. júní 2016, lagður fram til kynningar.