Landbúnaðarnefnd Svf. Skagafjarðar
Dagskrá
1.Beiðni um flutning vegslóða í landi Vindheima
Málsnúmer 1306048Vakta málsnúmer
Lagt fram til kynningar erindi frá Pétri G. Sigmundssyni, Vindheimum, þar sem hann óskar eftir flutning vegslóða í landi Vindheima, þannig að vegurinn verði færður til vesturs á árbakka Svartár. Hann verði lagður til norðurs strax og austur yfir núverandi brú á ánni er komið og þannig tengdur hliði og hrossarétt á landamerkjum Borgareyjar og Vindheima. Óskað er eftir að sveitarfélagið verði við þessari málaleitan landeigenda og sjái til þess að umræddur vegaslóði verði fluttur áður en sumarumferð verður íþyngjandi. Landeigendur eru reiðubúnir að leggja til efni í vegagerð án endurgjalds og greiða fyrir verkinu eftir því sem verða má.
Landbúnaðarnefnd óskar eftir því að veitu- og framkvæmdasvið vinni kostnaðaráætlun um þessa framkvæmd sem ekki er á fjárhagsáætlun ársins.
Landbúnaðarnefnd óskar eftir því að veitu- og framkvæmdasvið vinni kostnaðaráætlun um þessa framkvæmd sem ekki er á fjárhagsáætlun ársins.
2.Refa- og minkaveiðar 2013
Málsnúmer 1305264Vakta málsnúmer
Áætlun um minka- og refaveiði á árinu 2013 eftir veiðisvæðum kynnt fyrir veiðimönnum. Af þeirra hálfu mættu Þorsteinn Ólafsson, Marinó Indriðason, Kári Gunnarsson, Birgir Hauksson, Stefán Sigurðsson, Hans Birgir Friðriksson, Pálmi Ragnarsson, Jón Númason, Jóhann Guðbrandsson og Gunnar Steingrímsson.
Í fundarlok óskaði Sigurður Haraldsson að bóka:
Bestu þakkir færi ég öllu því ágæta fólki, sem ég hef unnið með í áraraðir hjá sveitarfélaginu, svo og öllum þeim fjölmörgu sem ég hef haft samskipti við í byggðum Skagafjarðar.
Eftirmanni mínum óska ég velfarnaðar í starfi.
Lifið heil.
Sigurður Haraldsson
Landbúnaðarnefnd vill þakka Sigurði Haraldssyni fyrir langa og farsæla þjónustu í þágu nefndarinnar og trúmennsku og óskar honum farsældar.
Bestu þakkir færi ég öllu því ágæta fólki, sem ég hef unnið með í áraraðir hjá sveitarfélaginu, svo og öllum þeim fjölmörgu sem ég hef haft samskipti við í byggðum Skagafjarðar.
Eftirmanni mínum óska ég velfarnaðar í starfi.
Lifið heil.
Sigurður Haraldsson
Landbúnaðarnefnd vill þakka Sigurði Haraldssyni fyrir langa og farsæla þjónustu í þágu nefndarinnar og trúmennsku og óskar honum farsældar.
Fundi slitið - kl. 12:40.
Formaður bar upp tillögu um að mál 1306048 - Beiðni um flutning vegaslóða í landi Vindheima yrði tekið á dagskrá með afbrigðum. Var það samþykkt.