Félags- og tómstundanefnd Svf. Skagafjarðar

Lögð fram ósk frá SEM samtökunum um styrk til kaupa á fjórum hjólastóla fjallahjólum. SEM samtökin munu hafa umsjón og viðhald með hjólunum og sjá til þess að lána þau endurgjaldslaust út m.a. í tengslum við endurhæfinguna á Grensás.

Nefndin samþykkir að styrkja verkefnið um 50.000 krónur.

Lögð fram beiðni um styrk vegna niðurgreiðslu á bolum keppenda á vegum UMSS á unglingalandsmóti UMFÍ á Selfossi um verslunarmannahelgina 2021. Á bolunum verður texti, þar sem aðrir keppendur eru boðnir velkomnir á unglingalandsmót UMFÍ á Sauðárkróki 2022. Félags- og tómstundanefnd samþykkir að veita styrk að upphæð 100.000 krónur til fyrirhugaðra bolakaupa.

Lögð fram beiðni um styrk vegna íþrótta- og leikjanámskeiða barna í Fljótum. Félags- og tómstundanefnd samþykkir að veita styrk að upphæð 120.000 krónur til íþrótta- og leikjanámskeiða fyrir börn í Fljótum.

Lögð fram til kynningar aðgerðaráætlun 2021-2025 um forvarnir meðal barna og ungmenna gegn kynferðislegu og kynbundnu ofbeldi og áreitni.