Byggðarráð Svf. Skagafjarðar

Undirbúningur fyrir fund með þingmönnum Norðvesturkjördæmis og fulltrúum sveitarfélagana á Norðurlandi vestra sem haldinn verður á Hvammstanga þriðjudaginn 27. október nk. Sveitarstjóra falið að taka saman gögn til að afhenda þingmönnum í samræmi við það sem rætt var á fundinum.

Rætt um fjárhagsáætlunarvinnu 2010.

Samþykkt að sveitarstjóri og fjármálstjóri leggi fram tillögu um innri leigu fyrir árið 2010 á næsta byggðarráðsfundi.

Lagt fram bréf frá Snorrasjóði þar sem óskað er eftir styrk árið 2010 til Snorraverkefnisins.

Byggðarráð hafnar erindinu.

Lagt fram erindi frá Neyðarlínunni þar sem stofnunin óskar eftir að að koma upp fjarskiptabúnaði á Hofsósi, neyðarfjarskipti fyrir sjófarendur og setja á Félagsheimilið Höfðaborg en þar eru fjarskiptatæki fyrir.

Byggðarráð samþykkir að heimila uppsetninguna fyrir sitt leyti, en málið fer einnig fyrir byggingar- og skipulagsnefnd.

Lagt fram til kynningar bréf frá rekstrarsviði Fjársýslu ríkisins varðandi uppgjör á sölu Steinsstaðaskóla árið 2005.

Lagt fram til kynningar bréf sveitarstjóra til dóms- og mannréttindaráðuneytis þar sem óskað er eftir fundi með ráðherrum dóms- og fjármála varðandi m.a. hugmyndir um kerfisbreytingar hjá sýslumannsembættum og dómstólum.

Lögð fram til kynningar áætluð úthlutun aukaframlags Jöfnunarsjóðs sveitarfélaga 2009. Áætlað er að sveitarfélagið fái rúmar 71 milljón krónur af 1.000 milljónum króna sem eru til skiptana.

Lagt fram til kynningar bréf frá Eignarhaldsfélagi Brunabótafélags Íslands þar sem fram kemur að ágóðahlutagreiðsla til sveitarfélagsins fyrir árið 2009 er kr. 10.068.000.

Lagt fram til kynningar bréf frá Friðriki Sophussyni fráfarandi forstjóra Landsvirkjunar, þar sem hann kynnir starfslok sín og Hörð Arnarson eftirmann sinn.