Byggðarráð Svf. Skagafjarðar

Lagt fram bréf frá Stefáni Ólafssyni, hrl. skiptastjóra þrotabús Sjóskipa ehf, þar sem fram kemur ósk um að færa útgefið byggðakvótaloforð frá bátnum Hörpu HU, skipaskr.nr. 1081 á skipið Óskar SK13, skipaskrárnr. 7022.
Byggðarráð samþykkir að fresta afgreiðslu málsins.

Lögð fram umsókn Bílaklúbbs Skagafjarðar um leyfi til að halda rallykeppni laugardaginn 26. júlí 2008.
Byggðarráð samþykkir umsóknina fyrir sitt leiti enda sé öllum leyfum og reglum fullnægt.

Barnakór frá Íslendingasvæðum í Maitoba í Kanada heimsækir Skagafjörð 29.-31. júlí nk. ásamt fylgdarliði, samtals 50 manns. Lagt fram erindi frá móttökunefnd þar sem farið er þess á leit að Sveitarfélagið Skagafjörður leggi fram 100 þús.kr. framlag til móttöku hópsins, veitinga og húsnæðis.
Byggðarráð samþykkir að fela sveitarstjóra að ræða við móttökunefndina um aðkomu sveitarfélagins.

Lögð fram til staðfestingar heimild til fornleifadeildar Byggðasafns Skagfirðinga til að grafa könnunarskurði í fornbýli á Bygghól (Bikhól) og Ytri-Heljará í Kolbeinsdal vegna fornleifarannsókna í tengslum við ritun Byggðasögu Skagfirðinga.
Byggðarráð staðfestir framlagða heimild.

Lagt fram bréf frá Suðurgötu 3 ehf. þar sem óskað er eftir styrk til greiðslu fasteignaskatts af efri hæð fasteignarinnar skv. 2. mg. 5 gr. laga um tekjustofna sveitarfélaga nr. 4/1995 sbr. reglur sveitarfélagsins þar um.
Byggðarráð hafnar erindinu þar sem það fellur ekki undir reglur sveitarfélagsins um styrki til greiðslu fasteignaskatts.

Lagt fram bréf frá Vitanum - verkefnastofu, þar sem óskað er eftir styrk til verkefnisins "Nýsköpunarkeppni grunnskólanemenda" sem unnið er í samstarfi við menntamálaráðuneytið.
Byggðarráð samþykkir að veita kr. 30.000 styrk til verkefnisins af málaflokki 21890.

Lagt fram til kynningar rekstraryfirlit sveitarfélagsins og stofnana fyrir tímabilið janúar-maí 2008.

Lagt fram til kynningar bréf frá Vodafone á Íslandi hf, þar sem kemur fram að fyrirtækið afhendir sveitarfélaginu 30 reiðhjól til notkunar fyrir íbúa og ferðafólk.

Afgreiðsla 31. fundar umhverfis- og samgöngunefndar staðfest á 440. fundi byggðarráðs 17.07. 2008.

Afgreiðsla 150. fundar skipulags- og bygginganefndar staðfest á 440. fundi byggðarráðs 17.07. 2008.