Byggðarráð Svf. Skagafjarðar

Lagður fram tölvupóstur dagsettur 28. júlí 2014 þar sem boðað er til aðalfundar Róta bs., þriðjudaginn 30. september 2014, kl. 13:00 í Menningarhúsinu Dalvík. Samtals eiga aðildar sveitarfélögin rétt á að senda 42 fulltrúa á fundinn og þar af Sveitarfélagið Skagafjörður 11 fulltrúa.
Byggðarráð samþykkir að sveitarstjórn að Grétu Sjöfn Guðmundsdóttur undanskilinni, Sigurjón Þórðarson og Halla Ólafsdóttir varamenn í sveitarstjórn og Ásta Pálmadóttir sveitarstjóri verði fulltrúar sveitarfélagsins á fundinum.

Lagður fram tölvupóstur dagsettur 15. ágúst 2014 frá Ástu Pálmadóttur, sveitarstjóra til Tryggva Þórs Haraldssonar, forstjóra RARIK varðandi ótryggt rafmagnsöryggi íbúa og fyrirtækja á Sauðárkróki.

Lagt fram bréf dagsett 14. ágúst 2014 frá Kaupfélagi Skagfirðinga varðandi raforkumál í Skagafirði. Lagt er til að Sveitarfélagið Skagafjörður hafi forgöngu um boðun fundar hagsmunaaðila um raforkumál í héraðinu.
Byggðarráð samþykkir að fela sveitarstjóra að undirbúa fund og boða til hans.

Lögð fram umsókn dagsett 14. ágúst 2014, frá stjórn Villa Nova ehf. um styrk til greiðslu fasteignaskatts skv. 2. mgr., 5. gr. laga nr. 4/1995.
Byggðarráð samþykkir að veita styrk sem nemur 30% af fasteignaskatti ársins 2014 skv. 5. gr. reglna sveitarfélagins um styrki til greiðslu fasteignaskatts.

Byggðarráð ítrekar bókun sína frá 667. fundi þann 11. júlí 2014:
Byggðarráð Sveitarfélagsins Skagafjarðar ítrekar mótmæli sín og harmar setningu reglugerðar heilbrigðisráðherra um sameiningu heilbrigðisstofnana á Norðurlandi. Sameiningin er þvert gegn vilja íbúa Skagafjarðar, enda er algjör óvissa um hvaða þjónustu ný stofnun mun veita þeim.
Sveitarfélagið Skagafjörður er í viðræðum við heilbrigðisráðuneytið um yfirtöku á rekstri Heilbrigðisstofnunarinnar Sauðárkróki með samningi við Sjúkratryggingar Íslands og mikilvægt er að setning reglugerðarinnar hafi ekki áhrif á þær viðræður, sem er ekki lokið.
Byggðarráð brýnir fyrir stjórnvöldum að hlusta á og virða vilja íbúa við setningu laga og reglugerða.

Lagt fram bréf frá sýslumanninum á Sauðárkróki, dagsett 16. júlí 2014, þar sem óskað er umsagnar um umsókn Valgeirs Þorvaldssonar, kt. 020760-5919, um endurnýjun á rekstrarleyfi fyrir Prestbakka, Suðurbraut 27, 565 Hofsósi. Gististaður. Flokkur II - gistiheimili.
Byggðarráð gerir ekki athugasemdir við umsóknina.

Lagt fram bréf frá sýslumanninum á Sauðárkróki, dagsett 16. júlí 2014, þar sem óskað er umsagnar um umsókn Valgeirs Þorvaldssonar, kt. 020760-5919, um endurnýjun á rekstrarleyfi fyrir Sunnuberg, Suðurbraut 8, 565 Hofsósi. Gististaður. Flokkur II - gistiheimili.
Byggðarráð gerir ekki athugasemdir við umsóknina.

Lagt fram til kynningar afrit af bréfi dagsettu 14. ágúst frá Orkustofnun til Melmis ehf. um framlengingu á leyfi Melmis ehf., dagsettu 23. júní 2004, til leitar og rannsókna á málmum, með síðari breytingum.

Lögð fram til kynningar skýrsla KPMG ehf. frá júní 2014; Tilfærsla á þjónustu við fatlað fólk frá ríki til sveitarfélaga. Könnun meðal stjórnenda sveitarfélaga.

Lagt fram til kynningar bréf dagsett 14. ágúst 2014 frá Jafnréttisstofu til sveitastjórna varðandi skyldur sveitarfélaga samkvæmt jafnréttislögum nr. 10/2008.