Byggðarráð Svf. Skagafjarðar

Lagt fram bréf frá sýslumanninum á Sauðárkróki, dagsett 16. maí 2014, þar sem óskað er umsagnar um umsókn Önnu Þóru Jónsdóttur, kt. 230965-3669 um rekstrarleyfi fyrir heimagistingu með morgunverði að Ásgarði vestra, 551 Sauðárkróki. Gististaður - flokkur III, heimagisting.
Byggðarráð gerir ekki athugasemdir við umsóknina.

Lagt fram kauptilboð í fasteignina Kvistahlíð 9, Sauðárkróki, fastanúmer 213-1631, dagsett 19. maí 2014.
Byggðarráð samþykkir að fela sveitarstjóra að gera tilboðsgjafa gagntilboð.

Lögð fram tillaga um viðauka við fjárhagsáætlun 2014 vegna aðkeyptrar ráðgjafavinnu.
Byggðarráð samþykkir viðauka við fjárhagsáætlun 2014, málaflokk 21400 að upphæð 1.500.000 kr. Fjármögnuninni mætt með handbæru fé.

Lögð fram drög að samningi við Kulygin ehf., kt. 710314-0550, um verkefnisstjórn vegna viðræðna við heilbrigðisráðherra um yfirtöku á starfsemi Heilbrigðisstofnunarinnar Sauðárkróki.
Byggðarráð samþykkir fyrirliggjandi samningsdrög með þeirri breytingu sem gerð var á fundinum.

Lögð fram tillaga um viðauka við fjárhagsáætlun 2014 að upphæð 1.300.000 kr. vegna greiðslu fyrir vinnuaðstöðu og verðlaunafjár vegna verkefnisins Ræsing Skagafjörður.
Byggðarráð samþykkir viðauka við fjárhagsáætlun 2014, málaflokk 13090 að upphæð 1.300.000 kr. Fjármögnuninni mætt með handbæru fé.

Lögð fram drög að samningi um verkefnið "Ræsing Skagafjörður", milli Sveitarfélagsins Skagafjarðar, Nýsköpunarmiðstöðvar Íslands og Kaupfélags Skagfirðinga. Markmið samningsins er að:
Efla nýsköpun í Skagafirði með öflugu stuðningsverkefni fyrir nýjar atvinnuskapandi hugmyndir.
Fylgja nýsköpunarverkefnum úr hlaði á hverjum stað þannig að þau séu tilbúin fyrir fjárfestingu eða jafnvel rekstur.
Vinna með heimamönnum að sjálfbærri atvinnuuppbyggingu.
Efnt verður til samkeppni um viðskiptahugmyndir fyrir ný atvinnutækifæri í Skagafirði.

Byggðarráð samþykkir framlagðan samning og felur sveitarstjóra að undirrita hann. Auk þess tilnefnir ráðið Sigfús Inga Sigfússon sem fulltrúa sveitarfélagsins í dómnefnd vegna verkefnasamkeppninnar.

Sjá trúnaðarbók.

Sveitarstjóri fór yfir tillögur Haralds L. Haraldssonar um hagræðingaraðgerðir í rekstri sveitarfélagsins og eftirfylgni þeirra.

Lögð fram til kynningar fundargerð 12. fundar Samtaka sjávarútvegssveitarfélaga frá 12. maí 2014.