Byggðarráð Svf. Skagafjarðar

Byggðarráð samykkir Stefán Vagn Stefánsson sem formann byggðarráðs og Bjarna Jónsson sem varaformann byggðarráðs.

Á fundinn komu Gréta Sjöfn Guðmundsdóttir og Gunnar Sandholt sem fóru yfir tekjuframlög til málefna fatlaðra.

Stefán Arnar Ómarsson kom á fundinn og kynnti drög að nýrri heimasíðu sem er í vinnslu.

Lagt fram bréf frá Sjálfsbjörg í Skagafirði frá Aðgengisnefnd Sjálfsbjargar þar sem óskað er eftir samstarfi við sveitarfélagið er varðar aðgengismál. Byggðarráð þakkar erindið og felur sveitarstjóra og sviðsstjóra veitu-og framkvæmdasviðs að koma á fundi með Aðgengisnefnd Sjálfsbjargar í Skagafirði.

Vegna samnings á milli Sveitarfélagsins Skagafjarðar og Air Arctic um áætlunarflug á milli Sauðárkróks og Reykjavíkur, þarf að gera viðauka á fjárhagsáælun ársins 2013.
Byggðarráð samþykkir að hækka fjárheimildir málaflokks 10890 um 7.700.000 kr. Fjármögnuninni mætt með lántöku.

Stjórn Náttúrustofu norðurlands vestra óskar eftir fundi með Byggðaráði og fulltrúa Akrahrepps til að ræða stöðu og framtíð Náttúrustofu norðurlands vestra. Byggðarráð felur sveitarstjóra að koma á fundi með aðilum.

Sveitarstjórn Sveitarfélagsins Skagafjarðar leggur til að skipaður verði starfshópur til að vinna að drögum um innkaupareglur fyrir Sveitarfélagið Skagafjörð. Í hópnum verði fimm fulltrúar einn frá hverjum flokki sem á fulltrúa í sveitarstjórn. Málinu var vísað til byggðarráðs til tilnefningar í starfshópinn. Byggðarráð tilnefnir eftirfarandi fulltrúa: Bjarki Tryggvason, Jón Magnússon, Gísli Árnason, Árni Gísli Brynleifsson og Pálmi Sighvatsson. Sveitarstjóra falið að kalla hópinn saman til fyrsta fundar.

Málið rætt og byggðarráð samþykkir að afla frekari gagna hjá fjármálastjóra.

Formleg opnun á smábátahöfn kl. 13 á sunnudag 30.júní n.k.