Atvinnu-, menningar- og kynningarnefnd Svf Skagafjarðar

Farið yfir stöðuna varðandi eignarhald á lóð undir félagsheimilið Ketilás í Fljótum. Samskipti hafa verið við starfsmenn Jarðeigna ríkisins hjá fjármála- og efnahagsráðuneyti og í framhaldi af því er starfsmönnum sveitarfélagsins falið að vinna áfram að málinu og gæta hagsmuna félagsheimilisins.

Lagt fram til kynningar rekstraryfirlit félagsheimilisins Ketiláss fyrir árið 2013.

Kynnt verkefni sem stýrt er af Ferðamálastofu og ALTA og miðar að kortlagningu auðlinda í ferðaþjónustu á Íslandi. Starfsmönnum falið að vinna áfram að verkefninu.

Kynntur frestur til umsókna í Vaxtarsamning Norðurlands vestra. Starfsmönnum falið að vinna að umsókn í vaxtarsamning með Sóleyju Guðmundsdóttur og fleirum um verkefnið Lifandi landslag og kanna með aðra mögulega kosti sem ræddir voru á fundinum.

Rætt um vettvangsferð í félagsheimili sveitarfélagsins. Stefnt að ferð í félagsheimili í framhéraði Skagafjarðar seinni hluta októbermánaðar eða byrjun nóvembermánaðar.