Veitunefnd Svf Skagafjarðar

Ísor, Íslenskar Orkurannsóknir vinna að því að leggja frekara mat á gæfni og álagsþol svæðisins.

Bjarni Gautason og Gunnar Þorgilsson hjá Ísor fóru yfir mælingarnar sem gerðar hafa verið úr holum SK-28 og SK-32. Mælingar sýna að dýpkun dælu í holu SK-28 gefur 3-4 l/s til viðbótar af heitu vatni úr svæðinu og eykur afhendingaröryggi til muna.

Í sumar hefur staðið yfir borun fyrir heitu vatni við Reykjarhól í Varmahlið.

Steinn Leó Sveinsson sviðsstjóri Veitu- og framkvæmdasviðs fór yfir stöðu mála. Borun hefur verið hætt í 822m dýpi og hiti í botni holunnar er um 96°C. Ekki hefur enn fundist vatn en gerðar verða frekari rannsóknir til að ákveða næstu skref.

Vinna við lagningu ljósleiðara hófst í ágúst síðastliðnum. Verkefnið er að klára lagningu ljósleiðara í dreifbýli í Skagafirði fyrir næstu áramót.

Valur Valsson verkefnastjóri hjá Skagafjarðarveitum fór yfir verkáætlunina og stöðu verkefnisins. Verkið er á áætlun.

Vinna við gerð fjárhagsáætlunar fyrir árið 2022 er hafin.

Steinn Leó Sveinsson sviðsstjóri Veitu- og framkvæmdasviðs er falið að halda málinu áfram.

Borist hafa óskir um að tengjast kaldavatnsveitum Skagafjarðarveitna í dreifbýli.

Veitunefnd tekur ekki afstöðu til málsins og vísar erindinu til sveitarstjórnar til stefnumótandi ákvörðunar.
Veitunefnd felur sviðstjóra Veitu- og framkvæmdasviðs að svara fyrirspyrjendum.