Umhverfis- og tækninefnd

 

            Ár 1999, miðvikudaginn 22. desember kl. 14⁰⁰ kom umhverfis- og tækninefnd saman til fundar á Skrifstofu Skagafjarðar.

            Mætt voru:  Stefán Guðmundsson, Sigrún Alda Sighvats, Árni Egilsson, Jóhann Svavarsson, Örn Þórarinsson, Óskar S. Óskarsson, Ingvar G. Jónsson og Jón Örn Berndsen.

 

DAGSKRÁ:

1. Deiliskipulag í Hofsósi.
2. Grundarstígur 20 - umsókn um byggingarleyfi fyrir bílgeymslu.
3. Syðra-Skörðugil - landskipti - Ásdís Sigurjónsdóttir.
4. Helgustaðir í Fljótum - umsókn um leyfi til að byggja vélageymslu - viðbygging - Þorsteinn Jónsson Helgustöðum.
5. Önnur mál.

 

AFGREIÐSLUR: 

1. Hofsós - Jón Örn gerði grein fyrir bréfaskriftum milli hans og Skipulagsstofnunar varðandi deiliskipulag á Hofsósi.  Samkvæmt bréfi Skipulagsstofnunar dags. 21. des. 1999 gerir stofnunin ekki athugasemdir við að deiliskipulagið verði auglýst samkv. 25. gr. skipulags- og byggingarlaga nr. 73/1997.  Umhverfis- og tækninefnd samþykkir að fela byggingarfulltrúa að auglýsa skipulagið.  Einnig gerði Jón Örn grein fyrir bréfum sem borist hafa varðandi þetta mál, þau eru eftirtalin:

a) Frá Vesturfarasetrinu á Hofsósi varðandi bráðabirgða byggingarleyfi.

b) Frá Una Péturssyni. Það inniheldur mótmæli 44 einstaklinga varðandi deiliskipulag á Hofsósi.

c) Frá Siglingamálastofnun.

Byggingarfulltrúa falið að svara þessum bréfum.

 

2. Hjörtur Sævar Hjartarson sækir um leyfi til að byggja bílgeymslu á lóðinni Grundarstíg 20 á Sauðárkróki.  Jafnframt er sótt um leyfi til að gera tengibyggingu milli íbúðarhúss og bílgeymslu.  Stærð bílgeymslu er 36,9m² tengibyggingin er 5,6m².  Teikning er gerð af Mikael Jóhannssyni á Akureyri. Erindið samþykkt.

 

3. Ásdís Sigurjónsdóttir, Syðra-Skörðugili óskar eftir að skipta landamerkjum á jörðinni.  Meðfylgjandi eru landamerkjabréf og kort er tilgreinir: 

a) Lóð umhverfis íbúðarhús sem byggt var 1975, lóðarstærð 0,2 ha.

b) Skipti á landspildu syðst og austast úr jörðinni stærð um 49 ha.

Viðtakandi landspildunnar er Einar Eðvald Einarsson.  Erindið samþykkt.

 

4. Umsókn Þorsteins Jónssonar um að byggja vélageymslu við gamalt íbúðarhús á Helgustöðum.  Stærð viðbyggingar er 74,3m².  Erindið samþykkt.

 

Fleira ekki fyrir tekið fundið slitið kl. 15¹⁰.

 

Stefán Guðmundsson                                                Óskar S. Óskarsson

Sigrún Alda Sighvats                                                Jón Örn Berndsen

Árni Egilsson                                                             Ingvar G. Jónsson

Jóhann Svavarsson

Örn Þórarinsson