Umhverfis- og samgöngunefnd Svf Skagafjarðar

Lagt var fram til kynningar bréf frá Samgöngustofu vegna framkvæmda við hafnir.

Umhverfisstofnun vinnur nú að söfnun upplýsinga um stöðu skólpmála um allt land.
Óskað var eftir því við hvert sveitarfélag fyrir sig að það skilaði inn upplýsingum um fjölda safnræsa í þéttbýli, fjölda rotþróa, umfang hreinsunar á skólpi o.fl.
Sveitarfélagið Skagafjörður hefur skilað inn upplýsingum til Umhverfisstofnunnar.

Lagt var fyrir fundinn erindi frá Katrínu Sigmundsdóttur varðandi pappírsgám í Fljótum.
Í erindinu óskar Katrín eftir því að bætt verði við gám í Fljótum undir pappa og pappír.
Nefndin þakkar erindið og samþykkir að koma fyrir gám undir pappa og pappír til reynslu í sumar.
Málið endurskoðað í haust m.t.t. kostnaðar og nýtingar.

Ákveðið hefur verið að hreinsunarátak í Skagafirði verði helgina11. til 12. júní nk.
Nefndin hvetur alla íbúa og forsvarsmenn fyrirtækja í Skagafirði að taka höndum saman í að bæta umhverfi okkar.
Heilbrigðisfulltrúi mun leggja átakinu lið.