Stjórn Menningarseturs Skagfirðinga

Fyrir liggur óformleg beiðni frá Kaupfélagi Skagfirðinga um kaup á húsi Alþýðulistar í Varmahlíð. Fyrir skömmu kom fram á fundi með fulltrúa KS, sveitarfélagsins og Menningarsetrinu þessi áhugi en jafnframt það loforð að leigja Alþýðulist húsið áfram til a.m.k. næstu tíu ára undir núverandi starfssemi.
Sveitarfélagið Skagafjörður og Alþýðulist hafa samþykkt að selja sína hluti, en hlutur Menningarseturs er 24,7%
Stjórn Menningarsetursins samþykkir sölu á sínum eignarhluta að því tilskyldu að viðunandi verð fáist. Jafnframt ítrekar stjórnin að viðhald hússins á leigutímanum verði tryggt og til sóma fyrir starfsemina sem þar fer fram.

Formaður las upp styrkbeiðnir sem borist hafa:
Frá Ungmennafélaginu Smára, 2. okt. 2017, vegna kaupa á loftdýnu til fimleikaæfinga sem kostar 1.400.000 kr
Frá Rökkurkórnum, 20. nóv 2017, vegna sjómannalagadagskrár.
Frá Skagfirska kammerkórnum, 8. des 2017, vegna flutnings á Magnificant eftir John Rutter á nokkrum stöðum á landinu.

Afgreiðslur:
Samþykkt að veita Ungmennafélaginu Smára kr 500.000 vegna kaupa á fimleikadýnu.
Samþykkt að veita Rökkurkórnum kr 200.000(Björg Baldursdóttir sat hjá við afgreiðslu)
Samþykkt að veita Skagfirska kammerkórnum kr 200.000 vegna tónleikaraða.

Búið að yfirfara og leiðrétta að mestu ljósmyndir og kort sem koma eiga á útsýnispósta á toppi Reykjarhólsins. Fyrirhugað að koma skiltunum upp í vor.

Eftir er að mæla upp nokkuð af lóðum og fastsetja lóðarmerki á þeim lóðum sem tilheyra Menningarsetrinu. Formanni falið að ýta á verkfræðistofuna Stoð svo klára megi það verkefni.