Skipulags- og byggingarnefnd

40. fundur 25. nóvember 2003

Skipulags- og byggingarnefnd Skagafjarðar
Fundur 40 – 25. nóvember 2003

Ár 2003, þriðjudaginn 25. nóvember kl. 8⁰⁰, kom Skipulags- og byggingarnefnd saman til fundar í Ráðhúsinu við Skagfirðingabraut á Sauðárkróki.

Mætt voru:
Bjarni Maronsson, Sigurbjörg Guðmundsdóttir, Gunnar Bragi Sveinsson og Jón Örn Berndsen, skipulags- og byggingarfulltrúi.
Auk þess sátu fundinn Árni Ragnarsson skipulagsarkitekt og Ársæll Guðmundsson sveitarstjóri.

Dagskrá:
1.      Skipulagsmál – Aðalskipulag

“Starfshópur um byggðatengsl og sveitarfélög.” – Ársæll Guðmundsson sveitarstjóri
Almannavarnir, hættusvæði – Óskar S. Óskarsson formaður almannavarnarnefndar
Iðnaðarsvæði, hafnarsvæði – Brynjar Pálsson og Lárus Dagur Pálsson
Flokkun strandsvæða/ sorpurðun og fráveitumál – Hallgrímur Ingólfsson

2.      Önnur mál.

Bjarni Maronsson setti fund og bauð velkomna fundarmenn.

Afgreiðslur:
1.           Skipulagsmál. Aðalskipulag
·        “Starfshópur um byggðatengsl og sveitarfélög.” – Ársæll Guðmundsson sveitarstjóri gerði grein fyrir vinnu starfshóps sem hann, ásamt öðrum, var skipaður í af iðnaðarráðherra. Starfshópnum var m.a ætlað að skila tillögum um aukið samstarf sveitarfélaga á Norðurlandi, einkum svæðinu næst Akureyri og leggja áherslu á þau tengsl sem geta með fljótvirkum hætti bætt lífsgæði á svæðinu.
·        Almannavarnir, hættusvæði – Óskar S. Óskarsson formaður almannavarnarnefndar kom á fund nefndarinnar. Rætt var um hættusvæði og skráningu á þeim og þær upplýsingar sem fyrirliggjandi eru í héraði. Óskar S. Óskarsson vék nú af fundi.
·        Iðnaðarsvæði, hafnarsvæði – Brynjar Pálsson formaður samgöngunefndar og Lárus Dagur Pálsson frá Hring komu á fund nefndarinnar undir þessum dagskrárlið. Lárus Dagur Pálsson, framkvæmdastjóri Hrings kynnti þá athugun sem Hringur gerði á lóðum sem hentað gætu sem iðnaðarlóðir í Skagafirði. Í skýrslu Hrings var á sínum tíma talið að bestu landkostir fyrir iðnaðarlóðir væru á svæðinu milli Skollaness og Karlsness í Viðvíkursveit og Skarðamóum norðan Sauðárkróks. Lárus Dagur og Brynjar viku nú af fundi.
·        Flokkun strandsvæða, sorpurðun og fráveitumál – Hallgrímur Ingólfsson sviðstjóri umhverfis- og tæknisviðs gerði grein fyrir vinnu sem fyrir liggur í þesum málaflokkum.
Hallgrímur vék nú af fundi.

2.        Önnur mál – engin.

Fleira ekki fyrir tekið, fundargerð upplesin og samþykkt.

Fundi slitið kl. 12¹⁶
Jón Örn Berndsen , ritari fundargerðar