Skipulags- og byggingarnefnd
Skipulags- og byggingarnefnd Skagafjarðar
Fundur 24 - 13.03.2003
Ár 2003 fimmtudaginn 13. mars kl. 815 kom Skipulags- og byggingarnefnd saman til fundar í Ráðhúsinu við Skagfirðingabraut á Sauðárkróki.Fundur 24 - 13.03.2003
Mætt voru: Bjarni Maronsson, Sigurbjörg Guðmundsdóttir, Gunnar Bragi Sveinsson, Jón Örn Berndsen skipulags- og byggingarfulltrúi og Sigurður H. Ingvarsson starfsmaður Skipulags- og byggingarfulltrúaembættisins.
Dagskrá:
1. Deiliskipulag Glaumbæjar á Langholti
2. Bréf Kolkuóss ses. 17.12.2002 – erindi frá Byggðarráði
3. Skipulagsmál Hólar – Varmahlíð
4. Birkihlíð 13 - utanhússklæðning
5. Akurhlíð 1
6. Önnur mál.
Afgreiðslur:
- Deiliskipulag, Glaumbær á Langholti. Fyrir liggur deiliskipulagstillaga sem sýnir byggingarreit fyrir nýjan prestsbústað í Glaumbæ norðan kirkju og stækkun á núverandi kirkjugarði til norðurs. Tillagan er unnin af Guðrúnu Jónsdóttur arkitekt, fyrir prestssetrasjóð. Dagsetning tillögunnar er 25.11.2002. Tillagan hefur verið auglýst skv. 18. gr. skipulags- og byggingarlaga og frestur til að skila athugasemdum við hana rann út 1. mars sl. Engar athugasemdir bárust. Skipulags- og byggingarnefnd samþykkir tillöguna óbreytta.
- Með bréfi dagsettu 17.12.2002 óskar sjálfseignarstofnunin Kolkuós kt. 691102-4080 eftir að taka á leigu land við Kolkuós. Landið sem óskað er eftir er afmarkað á loftmynd sem fylgir erindinu. Skipulags- og byggingarnefnd tekur jákvætt í erindið. Á samþykktu Svæðiskipulagi er gert ráð fyrir sorpurðun á hluta af þessu landi. Unnið er að mótun tillögu að Aðalskipulagi Skagafjarðar. Þar er stefnt að að finna sorpurðun annan stað en gert er ráð fyrir í Svæðisskipulaginu. Fyrirvari er því á að úthluta því landi sem Sveitarfélagið ætlaði þarna undir sorpurðun. Jafnframt er vakin athygli á að í tillögu að Aðalskipulagi er gert ráð fyrir lóðum undir iðnað á aðliggjandi svæði.
- Skipulagsmál, Hólar í Hjaltadal og í Varmahlíð. Skipulags- og byggingarfulltrúi fór yfir stöðu skipulagsmála á þessum stöðum og gerði grein fyrir þeim framkvæmdum sem vitað er um á næstunni og bregðast þarf við í skipulagi. Skipulags- og byggingarnefnd samþykkir að fela skipulags- og byggingarfulltrúa að kynna hlutaðeigandi fyrirtækjum í Varmahlíð hugmyndir Vegagerðarinnar að breytingu á gatnamótunum á þjóðvegi 1 og Sauðárkróksbraut.
- Birkihlíð 13, Sauðárkróki – utanhússklæðning. Björn Björnsson, Birkihlíð 13 óskar heimildar til að klæða utan íbúðarhús sitt að Birkihlíð 13 með Álsink klæðningu með hefðbundinni báru. Klæðningin verður klædd á grind sem í verður einangrað með 50 mm steinullareinangrun. Erindið samþykkt.
- Akurhlíð 1, Sauðárkróki. Jón Örn gerði grein fyrir fundi sem hann, Hallgrímur sviðsstjóri og Bjarni formaður áttu með forráðamönnum verslunarinnar Hlíðarkaups vegna lóðarmála og aðkomu að versluninni.
- Önnur mál. Bréf Guðmundar Óla Pálssonar, dags. 12. mars sl. vegna Borgarflatar 1 á Sauðárkróki lagt fram. Guðmundur stendur í viðræðum við Sveitarfélagið varðandi kaup á hluta af húsnæðinu. Skipulags- og byggingarnefnd gerir ekki athugasemd við að efnalaug sé rekin í hluta húsnæðisins fáist til þess samþykki heilbrigðisyfirvalda og vinnueftirlits. Nefndin getur fyrir sitt leyti fallist á þessar minniháttar útlitsbreytingar sem farið er fram á. Óskað er eftir tilskyldum uppdráttum er greini innra fyrirkomulag og útlitsbreytingar á húsnæðinu. Varðandi ósk Guðmundar um lóðarskiptingu er henni vísað til lóðarhafa, en eignaskiptasamningur gerir ráð fyrir sameginlegri óskiptri lóð.
Fundi slitið kl. 1100
Jón Örn Berndsen, ritari fundargerðar