Samstarfsnefnd með Akrahreppi

15. maí 2004 kl. 12:00 - 13:00

Samráðsnefnd Sveitarfélagsins Skagafjarðar og Akrahrepps.

Fundurinn haldinn laugardaginn 15.05.2004 kl: 12:00

Mættir voru: Agnar Gunnarsson,

Ársæll Guðmundsson, Einar E Einarsson, Gísli Gunnarsson og Þorleifur Hólmsteinsson

Dagskrá:

1. Málefni leikskólans í Varmahlíð.

2. Samningur við skólastjóra Varmahlíðarskóla.

1. Málefni leikskólans Birkilundar.

Í upphafi fundar var farið og lítið hús sem stendur ofan við leikskólann í Varmahlíð skoðað með það í huga að nýta mætti það undir leikskólapláss samhliða núverandi húsnæði leikskólans Birkilundar. Húsið er sumarhús í eigu Eignarsjóðs Sveitarfélagsins Skagafjarðar.

Ákveðið var að leggja í þær lágmarksbreytingar sem greinilega þarf að gera svo nýta megi húsið. Þau atriði sem nefnd voru, en ákveðið jafnframt að útfæra betur í samráði við Skipulags og Tæknideild Sveitarfélagsins Skagafjarðar eru:

Endurnýja gólfefni með t.d. plastparketi.
Tengja girðingu Birkilundar við húsið.
Bera fúavarnarefni á húsið.

Ákveðið að ekki yrði farið af stað í framkvæmdir nema nákvæm kostnaðaráætlun um bæði efni og vinnu lægi fyrir og hana væri búið að samþykkja af báðum sveitarfélögunum. Ákveðið að breytingarnar fari inn í rekstur skólans og greiðist því af báðum sveitarfélögunum eftir þeirri reglu sem um þá kostnaðarskiptingu gildir. Ákveðið að Agnar myndi fylgja málinu eftir við tæknideild Sveitarfélagsins og kanna mögulega samninga við iðnaðarmenn um verkið.

Samráðsnefndin vill jafnframt ítreka að áfram verði leyfð 12 tíma vistun barna við skólann óski einhverjir foreldrar þess.

2. Ársæll lagði fram samkomulag f.h. Sveitarfélagsins Skagafjarðar og Akrahrepps við skólastjóra Varmahlíðarskóla, Pál Dagbjartsson, dagsett 15. maí 2004. Nefndin samþykkir framlagt samkomulag fyrir sitt leyti og felur sveitarstjóra að ganga frá því.

Fleira ekki gert og fundi slitið kl: 13:00