Menningar- og kynningarnefnd

Lagt fram erindi frá Gullgengi ehf, rekstraraðilum Miðgarðs - menningarhúss, þar sem þau óska eftir því að fá leyfi nefndarinnar fyrir því að selja svefnpokagistingu á efri hæð Miðgarðs.
Menningar- og kynningarnefnd samþykkir erindið fyrir sitt leyti, svo fremi að önnur tilskilin leyfi séu til staðar.

Undir þessum lið komu Þórdís Friðbjörnsdóttir héraðsbókavörður og Unnar Ingvarsson héraðsskjalavörður á fundinn til viðræðu um stofnanir sínar; reksturinn í ár og áætlanir þess næsta. Lagðar fram upplýsingar frá Sigríði Sigurðardóttur safnstjóra Byggðasafns Skagfirðinga um fjárhagsáætlun 2013.
Menningar- og kynningarnefnd hefur úthlutað til stofnana þeim fjármunum sem úthlutaður fjárhagsrammi 2013 gefur heimild til, samtals 130.350 þús.kr. Sviðsstjóra stjórnsýslu- og fjármálasviðs falið að koma upplýsingum áleiðis.

Unnar Ingvarsson kynnti skýrslu um ljósmyndaverkefni Héraðsskjalasafns Skagfirðinga.