Menningar- og kynningarnefnd

Til fundarins komu Sævar Einarsson og Ingibjörg Jóhannesdóttir úr hússtjórn Félagsheimilisins í Hegranesi til viðræðna um framtíðarfyrirkomulag á rekstri hússins. Nýting á húsinu hefur verið lítil undanfarin ár en ástand hússins er hinsvegar nokkuð gott. Sævar hefur verið húsvörður félagsheimilisins um áratuga skeið, að mestu launalaust og hann óskar nú eftir því að láta af störfum.

Nefndin ákveður að auglýsa eftir rekstaraðila fyrir húsið með sama hætti og gert hefur verið í Ketilási, Skagaseli og víðar. Áskell Heiðar annast auglýsinguna.

Rætt um samning um rekstur félagsheimilisin Ljósheima sem rennur út um næstu áramót. Ákveðið að kalla eftir upplýsingum um rekstur hússins frá rekstraraðila og boða hana einnig á næsta fund nefndarinnar.

Rætt um stöðu mála varðandi rekstur Menningarhússins Miðgarðs, en haldinn var fundur hjá eignaraðilum hússins fyrir skömmu. Eigendur eru sammála um að auglýsa að nýju eftir rekstraraðila fyrir húsið með sömu forsendum og gert var árið 2009. Auglýst verður á landsvísu og í heimamiðlum. Áskell Heiðar annast auglýsinguna.

Lagðir fram til samþykktar ársreikningar Fræðasjóðs Skagfirðinga. Sigríður vék af fundi undir umræðum um þetta mál.

Rætt um hugmyndir um endurbætur á Safnahúsinu sem meðal annars fela í sér að Héraðsbókasafnið verði flutt á jarðhæð til að bæta aðgengi að því. Málið er nú í höndum eignasjóðs.