Menningar-, íþrótta- og æskulýðsnefnd
Ár 1998, mánudaginn 6. júlí, kom nýkjörin menningar-, íþrótta- og æskulýðsnefnd í sameinuðu sveitarfélagi í Skagafirði saman til fyrsta fundar í Stjórnsýsluhúsinu á Sauðárkróki kl. 18,20.
Mætt voru: Ásdís Guðmundsdóttir. Sigurbjörg Guðjónsdóttir, Helgi Thorarensen. Hlín Bolladóttir og Ólafur Adolfsson.
Auk þeirra voru mættir: Páll Kolbeinsson, íþrótta- og æskulýðsfulltrúi og Snorri Björn Sigurðsson, sveitarstjóri.
Dagskrá:
- Kosning formanns.
- Kosning varaformanns.
- Kynning á starfssviði nefndarinnar.
- Bréf frá Bílaklúbbi Skagafjarðar.
- Bréf frá Ungmennasambandi Skagafjarðar.
- Önnur mál.
Afgreiðslur:
- Í upphafi fundar lýsti sveitarstjóri yfir tillögum um formann og kom fram uppástunga um Ásdísi Guðmundsdóttur. Þar eð fleiri tillögur bárust ekki var hún réttkjörin formaður.
- Nú tók Ásdís við fundarstjórn og lýsti hún eftir tillögum um varaformann. Fram kom tillaga um Hlín Bolladóttur. Þar eð fleiri tillögur bárust ekki var Hlín réttkjörin varaformaður.
- Upplýsingum dreift til fundarmanna og málefni nefndarinnar rædd.
Starfsmanni falið að hafa samband við forsvarsmenn íþróttahreyfingarinnar í hinu sameinaða sveitarfélagi í Skagafirði. - Borist hefur bréf frá Bílaklúbbi Skagafjarðar um ósk um styrk til að halda rallkeppni þann 11. júlí nk. Nefndin tekur jákvætt í erindið en óskar frekari upplýsinga.
- Borist hefur bréf (frá) Ungmennasambandi Skagafjarðar um ósk um styrk vegna Krókshlaupa. Nefndin tekur jákvætt í erindið en óskar frekari upplýsinga.
- Önnur mál engin.
Fleira ekki gert. Fundargerð upplesin og samþykkt. Fundi slitið.