Byggðarráð Skagafjarðar - 1000
Málsnúmer 2201015F
Vakta málsnúmerSveitarstjórn Sveitarfélagins Skagafjarðar - 421. fundur - 09.02.2022
Fundargerð 1000. fundar byggðarráðs frá 26. janúar 2022 lögð fram til afgreiðslu á 421. fundi sveitarstjórnar eins og einstök erindi bera með sér. Regína Valdimarsdóttir varaforseti kynnti fundargerð. Enginn kvaddi sér hljóðs.
-
Byggðarráð Skagafjarðar - 1000 Umræða um átak í riðuarfgerðagreiningum og leit að verndandi arfgerðum (ARR) gegn riðu í sauðfé. Karólína Elísabetardóttir sauðfjárbóndi í Hvammshlíð og Eyþór Einarsson ráðunautur hjá RML tóku þátt í fundinum í gegnum fjarfundabúnað ásamt fulltrúum landbúnaðarnefndar; Jóhannesi H. Ríkharðssyni formanni, Jóel Þór Árnasyni, Valdimar Sigmarssyni og Kára Gunnarssyni umhverfis- og landbúnaðarfulltrúa sveitarfélagsins.
Byggðarráð vill koma á framfæri þakklæti til Karólínu, Eyþórs og samstarfsfélaga þeirra fyrir lofsvert frumkvæði í arfgerðargreiningum gegn riðu og hvetjum þau til áframhaldandi góðra verka. Bókun fundar Varaforseti leggur til að sveitarstjórn taki undir bókun byggðarráðs, svohljóðandi:
"Umræða um átak í riðuarfgerðagreiningum og leit að verndandi arfgerðum (ARR) gegn riðu í sauðfé. Karólína Elísabetardóttir sauðfjárbóndi í Hvammshlíð og Eyþór Einarsson ráðunautur hjá RML tóku þátt í fundinum í gegnum fjarfundabúnað ásamt fulltrúum landbúnaðarnefndar; Jóhannesi H. Ríkharðssyni formanni, Jóel Þór Árnasyni, Valdimar Sigmarssyni og Kára Gunnarssyni umhverfis- og landbúnaðarfulltrúa sveitarfélagsins. Sveitarstjórn Sveitarfélagsins Skagafjarðar vill koma á framfæri þakklæti til Karólínu, Eyþórs og samstarfsfélaga þeirra fyrir lofsvert frumkvæði í arfgerðargreiningum gegn riðu og hvetjum þau til áframhaldandi góðra verka."
Samþykkt með níu atkvæðum.
Afgreiðsla 1000. fundar byggðarráðs staðfest á 421. fundi sveitarstjórnar 9. febrúar 2022 með níu atkvæðum. -
Byggðarráð Skagafjarðar - 1000 Lagður fram tölvupóstur dagsettur 19. janúar 2022 frá Skagfirðingasveit, björgunarsveit. Óskað er leyfis til að sækja styrktaraðila að árlegri flugeldasýningu sveitarinnar á gamlárskvöldi án þess að það hafi áhrif á þjónustu- og styrktarsamning sveitarinnar við sveitarfélagið.
Byggðarráð samþykkir að heimila Skagfirðingasveit að sækja sér styrktaraðila að flugeldasýningu sveitarinnar á gamlárskvöldi og það mun ekki hafa áhrif á þjónustu- og styrktarsamning sveitarinnar við sveitarfélagið. Bókun fundar Afgreiðsla 1000. fundar byggðarráðs staðfest á 421. fundi sveitarstjórnar 9. febrúar 2022 með níu atkvæðum. -
Byggðarráð Skagafjarðar - 1000 Lagður fram viðauki nr. 1 við fjárhagsáætlun ársins 2022. Lagt er til að fjárfestingafé Skagafjarðarveitna - hitaveitu verði hækkað um 15,7 mkr. og birgðaaukning heimiluð að fjárhæð 13,4 mkr. til þess tryggja rekstrar- og afhendingaröryggi á heitu vatni úr borholu SK-28 í Hrolleifsdal.
Byggðarráð samþykkir viðaukann og vísar honum til afgreiðslu sveitastjórnar. Bókun fundar Varaforseti gerir tillögu um að vísa afgreiðslu málsins til sérliðar síðar á dagskránni, Viðauki 1 við fjárhagsáætlun 2022.
Samþykkt samhljóða. -
Byggðarráð Skagafjarðar - 1000 Lögð fram drög að reglum um kaup á skjávinnugleraugum fyrir starfsmenn sveitarfélagsins.
Byggðarráð samþykkir framlagðar reglur og vísar þeim til afgreiðslu sveitarstjórnar. Bókun fundar Varaforseti gerir tillögu um að vísa afgreiðslu málsins til sérliðar síðar á dagskránni, Reglur um kaup á skjávinnugleraugum.
Samþykkt samhljóða. -
Byggðarráð Skagafjarðar - 1000 Lögð fram umsókn frá Húsfélaginu Víðigrund 5, dagsett 15. janúar 2022 um lækkun fasteignaskatts 2022 vegna fasteignarinnar F2132365 Víðigrund 5, félagsheimili.
Byggðarráð samþykkir að fella niður fasteignaskatt af framangreindri fasteign um 30% samkvæmt reglum sveitarfélagsins þar um. Bókun fundar Afgreiðsla 1000. fundar byggðarráðs staðfest á 421. fundi sveitarstjórnar 9. febrúar 2022 með níu atkvæðum. -
Byggðarráð Skagafjarðar - 1000 Lagður fram tölvupóstur dagsettur 18. janúar 2022 þar sem forsætisráðuneytið kynnir til samráðs mál nr. 10/2022, "Drög að þingsályktun um framkvæmdaáætlun í málefnum hinsegin fólks". Umsagnarfrestur er til og með 08.02.2022. Bókun fundar Afgreiðsla 1000. fundar byggðarráðs staðfest á 421. fundi sveitarstjórnar 9. febrúar 2022 með níu atkvæðum.
-
Byggðarráð Skagafjarðar - 1000 Lagður fram tölvupóstur dagsettur 20. janúar 2022 frá nefndasviði Alþingis. Allsherjar- og menntamálanefnd Alþingis sendir til umsagnar frumvarp til laga um almannavarnir (almannavarnastig o.fl.), 181. mál.
Þess er óskað að undirrituð umsögn berist eigi síðar en lok dags 3. febrúar n.k. Bókun fundar Afgreiðsla 1000. fundar byggðarráðs staðfest á 421. fundi sveitarstjórnar 9. febrúar 2022 með níu atkvæðum.