Landbúnaðarnefnd Svf. Skagafjarðar

Einar Einarsson fjallskilastjóri Hofsóss og Unadals hefur óskað eftir að láta af störfum sem fjallskilastjóri. Einari eru þökkuð góð störf til fjölda ára.
Bjarni Þórisson kjörinn fjallskilastjóri. Guðrún Þorvaldsdóttir varafjallskilastjóri.

Einar E. Einarsson sagði frá aðalfundi Heiðadeildar Veiðifél. Blöndu og Svartár:
Niðurstöðutölur: Tekjur kr. 201.000,- Gjöld kr. 434.323,- Tap kr. 233.323,-. Efnahagsreikn.: Eigið fé og skuldir 31.12.08 kr. 29.196.338,-.

Rekstrarreikn. Upprekstrarfél. Eyvindarstaðaheiðar 2008:
Niðurstöðutölur: Tekjur kr. 1.650.333,- Gjöld kr. 1.108.293,- Tekjuafg. kr. 542.040,-. Peningaleg staða 31.12.08 kr. 336.507,-.

Sigurður Haraldsson sagði frá að óvenjumörg óskilahross hefðu verið skoðuð á þessu vori. Ástæða er til að minna bændur og hrossaeigendur á þá skyldu að hafa hross sín merkt eins og lög gera ráð fyrir.
Samþ. að setja auglýsingu í Sjónhornið varðandi þessi mál og minna einnig á lausagöngu búfjár á vegum.

Einar E. Einarsson sagði frá aðalfundi Veiðifél. Laxár á Skaga.

Einar E. Einarsson sagði frá aðalfundi Veiðifél. Flóka í Fljótum.

Einar E. Einarsson sagði frá aðalfundi Veiðifél. Sæmundarár.

Elinborg Hilmarsdóttir á Hrauni sat aðalfund Miklavatns og Fljótaár.

Einar E. Einarsson lagði fram til kynningar bréf frá Óbyggðanefnd, dags. 25. maí 2009.
Málefni: Kröfur fjármálaráðherra fyrir hönd ísl. ríkisins um þjóðlendur á vestanverðu Norðurlandi (nyrðri hluta) og opinber kynning Óbyggðanefndar á þeim.
Í sveitarfélaginu Skagafirði nær þjóðlendukrafan til Almenninga norðan Hrauna, Hrollleifsdalsafréttar og Flókadalsafréttar (Seljadals), Unadalsafréttar, Deildardalsafréttar og Kolbeinsdalsafréttar (Hólaafréttar).
Einar sagði frá samtali við Ólaf Björnsson, lögmann sveitarfél. og bænda. Úrskurðar er að vænta innan 14 daga um svæðið fram á miðhálendinu. Samþ. var að ganga til samninga við Ólaf Björnsson um áframhaldandi vinnu fyrir sveitarfélagið varðandi kröfur Óbyggðanefndar sbr. bréf þar um þ. 25. maí sl. Samþ. að beina þessum tilmælum til sveitarstjórnar. Sigríður Björnsdóttir tók ekki þátt í afgreiðslu málsins.

Einar E. Einarsson lagði fram til kynningar skýrslu milliþinganefndar búnaðarþings um fjallskil.

Trúnaðarmál tengd forðagæslu, sjá trúnaðarbók.

Einar E. Einarsson sagði frá fundi með minka- og refaveiðimönnum á Hótelinu, Varmahlíð þ. 29. maí sl., þar var úthlutað kvóta um veiðarnar til veiðimanna, vísast til þeirrar fundargerðar um tölur og fleira.