Landbúnaðarnefnd Svf. Skagafjarðar

Jón Kolbeinn Jónsson, héraðsdýralæknir kom á fundinn til viðræðu um riðumál.
Landbúnaðarnefnd fagnar því að MAST er farið að leggja drög að því að kortleggja gamlar riðugrafir og þekkt riðusvæði með það að markmiði að greina áhættu riðusmits.

Ingólfur Helgason komst ekki á fundinn til viðræðu um útflutning á heyi og málinu frestað.

Lagt fram bréf dagsett 7. nóvember 2018 frá Landgræðslu ríkisins þar sem óskað er eftir styrk til samstarfsverkefnisins "Bændur græða landið" vegna ársins 2018.
Landbúnaðarnefnd þakkar erindið en getur ekki orðið við því að styrkja verkefnið.

Lögð fram drög að fjárhagsáætlun 2019 fyrir málaflokk 11700 Minka- og refaeyðing og málaflokk 13 - landbúnaðarmál.
Landbúnaðarnefnd samþykkir framlagðar fjárhagsáætlanir fyrir árið 2019 og vísar þeim til byggðarráðs.

Lögð fram drög að framlögum til fjallskilasjóða á árinu 2019.
Landbúnaðarnefnd samþykkir áorðnar breytingar á framlögum til fjallskilasjóða á árinu 2019. Samtals er úthlutað nú 3,2 mkr. til almennra framlaga og 500 þús.kr. vegna nýframkvæmda. Framlag vegna nýframkvæmda verður ekki greitt út fyrr en öll tilskilin leyfi liggja fyrir vegna framkvæmdarinnar. Önnur framlög verða greidd þegar ársreikningi 2018 hefur verið skilað til sveitarfélagsins.

Lagður fram til kynningar ársreikningur 2017 fyrir fjallskilasjóð Seyluhrepps - úthluta.

Lagður fram til kynningar ársreikningur 2017 fyrir fjallskilasjóð Hofsóss og Unadals.