Landbúnaðarnefnd Svf. Skagafjarðar

Sigríður Jóhannsdóttir mannauðsstjóri sveitarfélagsins kom á fundinn undir þessum dagskrárlið og fór yfir umsóknir um þjónustufulltrúastarfið og umsóknarferlið. Alls sóttu 19 manns um starfið.
Landbúnaðarnefnd mælir með því að Arnór Gunnarsson verði ráðinn í starfið.

Ingvar Páll Ingvarsson starfsmaður veitu- og framkvæmdasviðs sat fundinn undir þessum dagskrárlið og kynnti fyrir fundarmönnum ástand Mælifellsréttar og mögulegar úrbætur á henni og kostnað.

Farið yfir stöðu mála varðandi leigu á Borgarey.
Landbúnaðarnefnd samþykkir að endurnýja samninga um land í Borgarey til tveggja ára, við þá leigutaka sem áhuga hafa á.

Farið yfir stöðu mála varðandi leigu lands úr landi Laugarbóls 146191.
Landbúnaðarnefnd samþykkir að endurnýja samninga um land úr landi Laugarbóls 146191 til tveggja ára, við þá leigutaka sem áhuga hafa á.

Lagt fram erindi frá Agli Örlygssyni og Efemíu Valgeirsdóttur, þar sem þau óska eftir því að fá að setja girðingu vestan og norðan við leiguland sem þau hafa til afnota í Borgarey.
Landbúnaðarnefnd samþykkir erindið, enda verði framkvæmdin kostuð af leigutaka.

Landbúnaðarnefnd samþykkir að boða til fundar með refa- og minkaveiðimönnum fimmtudaginn 6. júní 2013 á Sauðárkróki.

Málinu lokið og niðurstaða þess kynnt.