Fræðslunefnd Svf. Skagafjarðar

Lögð fram ályktun Félags stjórnenda í leikskólum þar sem hvatt er til að heimildarákvæði kjarasamninga stjórnenda í leikskólum til launaðs námsleyfis sé nýtt.

Lögð fram ályktun um áhyggjur af niðurskurði í skólum landsins frá Heimili og skóla.

Rætt um þær aðstæður sem upp komu fyrir um það bil tveimur vikum er mygla fannst í húsnæði leikskólans Tröllaborgar á Hofsósi. Við skoðun og greiningu kom í ljós að myglan einskorðaðist við háaloft hússins og að loknum þrifum og þéttingu loftlúgu var ákveðið í samráði við Heilbrigðiseftirlit Norðurlands vestra að leyfa starfsemi leikskólans þar áfram. Áfram verður fylgst með og sýni tekin. Brýnt er að lagfæra húsið ásamt því að taka ákvörðun um framtíðarskipan leikskóla á Hofsósi.

Lagðar fram nemendatölur fyrir leik- grunn- og tónlistarskóla fyrir skólaárið 2016-2017. Nemendum í leikskólum fjölgar úr 222 í 239 og nemendum í grunnskólum fækkar úr 528 í 524. Skráningu í tónlistarskóla er ekki lokið en þess er vænst að þeir verði ekki færri en í fyrra.