Fræðslunefnd Svf. Skagafjarðar

Niðurstöður könnunar mennta- og menningarmálaráðuneytisins um innleiðingu og framkvæmd laga um leik- og grunnskóla lagðar fram til kynningar og ræddar.

Sviðsstjóri sagði frá aðdraganda að undirritun þjóðarsáttmála um læsi sem menntamálaráðherra hefur sett af stað. Undirritaður hefur verið samningur á milli ráðherra og Sveitarfélagsins Skagafjarðar um eflingu læsis.

Sviðsstjóri og sérfræðingur fjölskylduþjónustu sögðu frá vinnu við gerð læsisstefnu fyrir leik- og grunnskóla sveitarfélagsins.

Sviðsstjóri og sérfræðingur fjölskylduþjónustu sögðu frá niðurstöðum Skólapúlsins skólaárið 2014-2015, en Skólapúlsinn mælir viðhorf nemenda, foreldra og starfsmanna til ýmissa þátta skólastarfs grunnskólanna. Auk þess heldur Skólapúlsinn utan um niðurstöður samræmdra prófa.

Lagt fram bréf um skólaþing Sambands íslenskra sveitarfélaga sem haldið verður 2. nóvember n.k.

Sviðsstjóri kynnti samninga sem gerðir hafa verið vegna sálfræðiþjónustu.

SViðsstjóri, sérfræðingur fjölskyldusviðs og skólastjóri Árskóla fóru yfir og kynntu vinnu við nýtt vinnumat grunnskólakennara.

Farið var yfir fjölda nemenda í leik-, grunn- og tónlistarskóla Skagafjarðar. Eins og staðan er nú eru 222 börn í leikskólum, 528 í grunnskólum og 155 í tónlistarskólanum, en þar er skráningu ekki lokið.