Fræðslunefnd Svf. Skagafjarðar

Lagt fram bréf frá Veraldarvinum þar sem boðnir eru fram sjálfboðaliðar til vinnu við ýmis verkefni á árinu 2013.
Fræðslunefnd þakkar fyrir þann áhuga sem Veraldarvinir sýna á að vinna fyrir sveitarfélagið, en sér ekki möguleika á að nýta tilboðið.

Ársskýrslu leikskólanna fyrir skólaárið 2011-2012 lagðar fram til kynningar.

Sjálfsmatsskýrslur leikskólanna Birkilundar og Tröllaborgar lagðar fram til kynningar.

Frá því er úttekt var gerð á Árskóla af hálfu mennta- og menningarmálaráðuneytisins hefur markvisst verið unnið að bæta úr þeim athugasemdum sem fram komu í úttektinni. Fræðslunefnd fagnar þeirri vinnu sem lögð hefur verið í úrbæturnar og felur fræðslustjóra og skólastjóra Árskóla að svara erindinu. Jafnframt verður ráðuneytinu send ný skólanámskrá sem unnin hefur verið í samræmi við lög og nýja aðalnámskrá.

Lögð fram til kynningar skólanámskrá Árskóla sem unnin hefur verið í samræmi við lög og nýja aðalnámskrá. Fræðslunefnd fagnar þeirri vinnu sem skólinn hefur unnið við gerð skólanámskrár fyrir árið 2012-2013.

Lagður fram til kynningar samningur vegna styrks að upphæð kr. 350.000.- sem fræðsluþjónustunni var veittur Endurmenntunarsjóði grunnskóla árið 2011.

Málið kynnt og rætt. Afgreiðslu frestað til næsta fundar.

Helga Harðardóttir, kennsluráðgjafi, mætti á fundinn og kynnti þá vinnu sem farið hefur fram um endurskoðun á skólastefnu sveitarfélagsins. Fræðslunefnd fagnar þessari vinnu en frestar afgreiðslu á þeim tillögum til breytinga sem fram komu við endurskoðunina.

Selma Barðdal, uppeldis- og sálfræðiráðgjafi, mætti á fundinn og kynnti framkvæmd vinadagsins sem haldinn var með öllum grunnskólabörnum og elstu börnum leikskóla í Skagafirði. Fræðslunefnd hvetur til þess að vinadagurinn verði árlegur viðburður í sveitarfélaginu.

Selma Barðdal, uppeldis- og sálfræðiráðgjafi, kynnti framhald vinnu við Vinaliðaverkefni. Fram kom að Selma mun kynna verkefnið á ráðstefnu mennta- og menningarmálaráðuneytisins, Vaxtarsprotar í skólastarfi, 9.-10. nóvember n.k. Fræðslunefnd lýsir sérstakri ánægju með verkefnið og hvetur til þess að áfram verði unnið að innleiðingu þess.

Fræðslunefnd hafnar erindinu.

Fræðslunefnd samþykkir að samningar um skólaakstur í Skagafirði verði ekki endurnýjaðir, heldur verði akstursleiðir boðnar út að nýju á vormánuðum 2013. Fræðslustjóra falið að senda verktökum bréf með tilkynningu þessa efnis.

Lögð fram beiðni um að Sveitarfélagið Skagafjörður greiði hluta sveitarfélags í söngnámi framhaldsskólanema í Reykjavík. Fræðslunefnd sér sér ekki fært að verða við erindinu.

Lagt fram erindi frá Skólastjórnendum Tónlistarskóla Skagafjarðar vegna ákvæðis í kjarasamningum um sérstakt álag vegna 30 mínútna kennslu í viku. Erindinu vísað til vinnu við fjárhagsáætlun næsta árs.

Formaður kynnti fjárhagsramma fyrir fræðslumál fyrir árið 2013.